
APM ၊ နိုဗမ်ဘာ ၂၀ / ၂၀၂၃
နိုဗမ်ဘာ ၁၁ ရက်နိက ကရင်နီပြည်တော်လှန်ရီးတပ်ပေါင်းစုံအဖွဲ့ ပစ်ချခရေ စစ်ကောင်စီ၏ K-8 ဂျက်တိုက်လီယာဉ်က လီယာဉ်မှူးတယောက်ကို ဖမ်းဆီးရမိကြောင်း ဒေသတွင်းသတင်းတိက ဆိုပါရေ။
11.11(တစ်လေးလုံး)စစ်ဆင်ရီးပထမနိ(နိုဗမ်ဘာ ၁၁ ရက်နိ)မာ စစ်ကောင်စီ၏ တိုက်လီယာဉ်တစီးကို ပစ်ချနိုင်ခကြောင်းနန့် လီယာဉ်အတွင်း ပါဝင်သူနှစ်ယောက်ကို လိုက်ရှာနီကြောင်း ကရင်နီပြည် တော်လှန်ရီးတပ်ပေါင်းစုံအဖွဲ့တိက ပူးတွဲထုတ်ပြန်ခပါရေ။
လက်ဟိမာ ယင်းလီယာဉ်မှူးနှစ်ယောက်ထဲကဗိုလ်မှူးအဆင့်ဟိသူ တယောက်ကိုဖမ်းဆီးရမိထားရေလို့ ဆိုပါရေ။
ကျန်လီယာဉ်မှူးတယောက်ကတော့ လွှတ်မြောက်နီတုန်းဖြစ်ပြီး ဖမ်းဆီးရမိရီး ဆက်လက်ဆောင်ရွက်နီကြောင်း သိဟိရပါရေ။

Please follow and like us: