APM၊ နိုဗမ်ဘာ ၂၀ / ၂၀၂၃
တအာင်းတပ်မတော် PSLF/TNLAနန့် MDY PDF ပူးပေါင်းတပ်ဖွဲ့ရို့ သိမ်းပိုက်ထားရေ နောင်ချိုမြို့နယ် ဒိုပင်ရဲစခန်းကို နိုဗမ်ဘာ ၁၉ ရက်နိညည့်မာ စစ်ကောင်စီတပ်က ဖျက်အားပြင်း ပေါင် (၅၀၀)ဗုံးနန့် ဗုံးကြဲတိုက်ခိုက်ခလို့ စစ်သုံ့ပန်း ၄ ယောက် သီဆုံးလားပြီးကေ အများအပြားဒဏ်ရာရလားကြောင်း PSLF/TNLA က ဒေနိထုတ်ပြန်ပါရေ။
ထုတ်ပြန်ချက်အရ “တပ်မဟာ(၂)စစ်ဒေသ၊ နောင်ချိုမြို့နယ် ဒိုပင်ရဲစခန်းကို စစ်ကောင်စီတပ်က နိုဗမ်ဘာ ၁၉ ရက်နိ ညည့် ၉ နာရီအချိန်မာ ဖျက်အားပြင်း ပေါင် (၅၀၀)ဗုံးနန့် ကြဲချခရေ လို့ဆိုပါရေ။
ဒိုပင်ရဲစခန်းစွာ တအာင်းတပ်မတော် PSLF/TNLA+ MDY PDF ပူးပေါင်းတပ်ဖွဲ့ရို့သိမ်းပိုက်ရဟိထားရေ စခန်းဖြစ်ပြီးကေ ယင်းရဲစခန်းမာ ၁၀၂၇ စစ်ဆင်ရီးအတွင်း ဖမ်းဆီးရမိခရေ စစ်ကောင်စီ ဒလန်တိနန့် စစ်သုံ့ပန်းတိကို ထိန်းသိမ်းထားစွာလို့ ဖော်ပြထားပါရေ။
စစ်ကောင်စီတပ်ပစ်ခတ်လိုက်တေပေါင်(၅၀၀)ဗုံးစွာ ဒိုပင်ရဲစခန်းအပေါ်တည့်တည့်သို့ ကျရောက်ပေါက်ကွဲခရေလို့ သိရပါရေ။
ယင်းကြောင့် ရဲစခန်းအတွင်း ထိန်းသိမ်းထားရေ စစ်ကောင်စီ ဒလန်တိနန့် စစ်သုံ့ပန်းတိ ကျည်ဆန်ကျပနာ ၄ ယောက်သီဆုံးခရရေပိုင် ၁၀ ယောက်လည်း ဒဏ်ရာရလားကြောင်း ထုတ်ပြန်ချက်မာ ဖော်ပြထားပါရေ။
