APM ၊ ဩဂတ်စ် ၂ / ၂၀၂၃
ချီလီနိုင်ငံတောင်ပိုင်း၊ လို့စ်လာဂစ်ဒေသအတွင်း ဩဂတ်စ် ၁ ရက်နိ ညည့်ခါက ချီလီ လီတပ်မှ စစ်ရဟတ် ယာဉ်တစီးပျက်ကျရာ လီတပ်အမှုထမ်း ၅ ယောက် သီဆုံးလားကြောင်း ဩဂတ်စ် ၂ ရက်နိတွင် ထုတ်ပြန်သည်။
ပျက်ကျခသည့် လီယာဉ်သည် စစ်ဖက်သုံး Bell 412 အမျိုးအစား လီယာဉ်ဖြစ်ပြီး ညည့်ပိုင်း လိကျင့်ရီးပြုလုပ်နီစဉ် မတော်တဆမှုကြောင့် ပျက်ကျခခြင်းဖြစ်သည်ဟု ဆိုသည်။
လီယာဉ်ပျက်ကျမှုကြောင့် လီယာဉ်တွင်ပါသည့် လီယာဉ်မှူး ၂ယောက်၊ လီတပ်သား ၂ ယောက်နန့် လီထီးသမား ၁ ယောက် လီယာဉ်ပျက်ကျသည့် နီရာမှာပင် သီဆုံးလားခသည်။
လီယာဉ်ပျက်ကျခြင်းအကြောင်းရင်းကို အသေးစိတ်စုံးစမ်းစစ်ဆီးနီသည်ဟု ချီလီ လီတပ်က ဆိုသည်။
လီတပ်အမှုထမ်းများ သီဆုံးမှုနန့် ပတ်သတ်၍ ချီလီ လီတပ်က ဝမ်းနည်းကြောင်း ထုတ်ပြန်ထားပိုင် သီဆုံးခသည့် ရဲဘော်များ၏ မိသားစုများအား ပံ့ပိုးကူညီမှုများ လုပ်ဆောင်ပီးလားမည်ဟု ချီလီသမ္မတ ဂါဘရီယယ်ဘောရစ်က လေ့ ပြောကြားထားသည်။
Source – Five killed in Chilean Air Force helicopter crash
Photo – Merco press
