APM၊ ဩဂတ်စ် ၂/၂၀၂၂
ပလက်ဝတွင် စစ်ကောင်စီတပ်၏ ရည်ရွယ်ချက်ဟိဟိ ရက်ရက်စက်စက် ပစ်ခတ်သတ်ဖြတ်မှုကြောင့် ၄ တန်းကျောင်းသား ၂ ယောက် သီဆုံးပြီကျောင်းသားများအပါအဝင် ၃ယောက်အပြင်း အထန် ဒဏ် ရာရလားခကြောင်း သိရသည်။
ဒေနိ(ဩဂတ်စ်၂ရက်နိ)နိခင်း၂နာရီခန့်တွင်ပလက်ဝ မြိုနယ်၊ရီးမဝရွာမှတုံးမဝရွာသို့လားရောက်ကျောင်း တက်နီသည့် ကျောင်းသား/ကျောင်းသူများကို ပို့ဆောင်ပီးနီသော စက်လှီတစီးအား ကျောင်းသား/ကျောင်းသူ များစီးနင်းသည့် စက်လှီမှန်းသိပါလျက် စစ်ကောင်စီတပ်က လူမဆန် စွာ ပစ်ခတ်သတ်ဖြတ်ခခြင်း ဖြစ်သည်။
ပစ်ခတ်မှုကြောင့် သီဆုံးလားသူ ကျောင်းသား ၂ ယောက်မှာ ၄ တန်းကျောင်းသားများဖြစ်သည့် မောင်နေမင်းထွန်း (၁၂နှစ်)နန့် မောင်အောင်သန်းမြင့်(၁၂နှစ်)ရို့ဖြစ်ကတ်ပြီး၊ ဒဏ်ရာရလားသူ ၃ ယောက်မှာ မခင်စီ(၁၂နှစ်)၊ မောင်အောင်လင်းဝင်း (၁၂နှစ်)နန့် ကျောင်းဒရမ်ဝမ်ဖြစ်သူ ဦးဗဒူးအောင် (၅၆နှစ်) ရို့ဖြစ် ကြောင်း သိရသည်။
ယင်းစက်လှီသည် ပလက်ဝမြို့နယ်၊ ရီးမဝရွာမှ ၄ တန်း ကျောင်းသား/ကျောင်းသူ ၇ ဦးအား ကျောင်း ဒရမ်ဝမ် ဦးဗဒူးအောင်မှ တုံးမဝရွာ အလယ်တန်းကျောင်းသို့ ပို့ဆောင်နီခြင်းဖြစ်ပြီး ဒေနိ နိခင်းပိုင်း ကျောင်းတက်၍ ပြန်လာချိန်၌ နှမဒါရွာနားတွင် စစ်ကောင်စီတပ်က စက်သီနတ်နန့်တရစပ်ပစ်ခတ်ခခြင်းဖြစ် သည်။
ယင်းသို့ စစ်ကောင်စီတပ်က ပစ်ခတ်မှုကြောင့် မောင်နေမင်းထွန်းနန့် မောင်အောင်သန်းမြင့်ရို့မှာ နီရာ၌ပင် ပွဲချင်း ပြီး သီဆုံးလားခပြီး၊ မခင်စီတွင် ခြီထောက်(၂)ဖက်လုံးဒဏ်ရာပြင်းထန်သကဲ့သို့ ဦးဗဒူးအောင်တွင်ညာဖက်လက်ကောက် ဝတ် ကျည်ဖောက်ထွက် ၍ဘယ်ဖက်နားရွက်လေ့ပြတ်ထွက်လားကာမောင်အောင်လင်းဝင်းမှာနောက်ကုန်း ကျည် ချော်ကျလားကြောင်းသိရသည်။
စစ်ကောင်စီတပ်သည် ဒေသခံပြည်သူလူထုအပေါ် အကြောက်တရားလွှမ်းမိုးစီလိုပြီး တော်လှန်လိုစိတ်ကို ဖိနှိပ် လိုသည့် ရည်ရွယ်ချက်နန့် ကျောင်းသား/ကျောင်းသူများ၏ စက်လှီမှန်းသိပါလျက် အဂုပိုင်တသိတမင် လူမ ဆန်စွာ ရက်ရက်စက်စက်ပစ်ခတ်သတ်ဖြတ်ခြင်းဖြစ်သည်ဟု ဒေသခံပြည်သူများက အခိုင်အမာ ယုံကြည် နီကတ်သည်။
(Zawgyi)
ပလက္ဝတြင္ စစ္ေကာင္စီတပ္၏ပစ္ခတ္သတ္ျဖတ္ မႈေၾကာင့္ ၄ တန္းေက်ာင္းသား ၂ ေယာက္ သီဆုံး၊ ေက်ာင္းသားမ်ားအပါအဝင္ ၃ ေယာက္ အျပင္း အထန္ ဒဏ္ရာရ
APM၊ ဩဂတ္စ္ ၂/၂၀၂၂
ပလက္ဝတြင္ စစ္ေကာင္စီတပ္၏ ရည္႐ြယ္ခ်က္ဟိဟိ ရက္ရက္စက္စက္ ပစ္ခတ္သတ္ျဖတ္မႈေၾကာင့္ ၄ တန္းေက်ာင္းသား ၂ ေယာက္ သီဆုံးၿပီေက်ာင္း သားမ်ားအပါအဝင္ ၃ေယာက္အျပင္း အထန္ ဒဏ္ ရာရလားခေၾကာင္း သိရသည္။
ေဒနိ(ဩဂတ္စ္၂ရက္နိ)နိခင္း၂နာရီခန႔္တြင္ပလက္ဝ ၿမိဳနယ္၊ရီးမဝ႐ြာမွတုံးမဝ႐ြာသို႔လားေရာက္ေက်ာင္း တက္နီသည့္ ေက်ာင္းသား/ေက်ာင္းသူမ်ားကို ပို႔ေဆာင္ပီးနီေသာ စက္လွီတစီးအား ေက်ာင္းသား/ေက်ာင္းသူ မ်ားစီးနင္းသည့္ စက္လွီမွန္းသိပါလ်က္ စစ္ေကာင္စီတပ္က လူမဆန္ စြာ ပစ္ခတ္သတ္ျဖတ္ချခင္း ျဖစ္သည္။
ပစ္ခတ္မႈေၾကာင့္ သီဆုံးလားသူ ေက်ာင္းသား ၂ ေယာက္မွာ ၄ တန္းေက်ာင္းသားမ်ားျဖစ္သည့္ ေမာင္ေနမင္းထြန္း (၁၂ႏွစ္)နန႔္ ေမာင္ေအာင္သန္းျမင့္(၁၂ႏွစ္)႐ို႕ျဖစ္ကတ္ၿပီး၊ ဒဏ္ရာရလားသူ ၃ ေယာက္မွာ မခင္စီ(၁၂ႏွစ္)၊ ေမာင္ေအာင္လင္းဝင္း (၁၂ႏွစ္)နန႔္ ေက်ာင္းဒရမ္ဝမ္ျဖစ္သူ ဦးဗဒူးေအာင္ (၅၆ႏွစ္) ႐ို႕ျဖစ္ ေၾကာင္း သိရသည္။
ယင္းစက္လွီသည္ ပလက္ဝၿမိဳ႕နယ္၊ ရီးမဝ႐ြာမွ ၄ တန္း ေက်ာင္းသား/ေက်ာင္းသူ ၇ ဦးအား ေက်ာင္း ဒရမ္ဝမ္ ဦးဗဒူးေအာင္မွ တုံးမဝ႐ြာ အလယ္တန္းေက်ာင္းသို႔ ပို႔ေဆာင္နီျခင္းျဖစ္ၿပီး ေဒနိ နိခင္းပိုင္း ေက်ာင္းတက္၍ ျပန္လာခ်ိန္၌ ႏွမဒါ႐ြာနားတြင္ စစ္ေကာင္စီတပ္က စက္သီနတ္နန႔္တရစပ္ပစ္ခတ္ချခင္းျဖစ္ သည္။
ယင္းသို႔ စစ္ေကာင္စီတပ္က ပစ္ခတ္မႈေၾကာင့္ ေမာင္ေနမင္းထြန္းနန႔္ ေမာင္ေအာင္သန္းျမင့္႐ို႕မွာ နီရာ၌ပင္ ပြဲခ်င္း ၿပီး သီဆုံးလားခၿပီး၊ မခင္စီတြင္ ၿခီေထာက္(၂)ဖက္လုံးဒဏ္ရာျပင္းထန္သကဲ့သို႔ ဦးဗဒူးေအာင္တြင္ညာဖက္လက္ေကာက္ ဝတ္ က်ည္ေဖာက္ထြက္ ၍ဘယ္ဖက္နား႐ြက္ေလ့ျပတ္ထြက္လားကာေမာင္ေအာင္လင္းဝင္းမွာေနာက္ကုန္း က်ည္ ေခ်ာ္က်လားေၾကာင္းသိရသည္။
စစ္ေကာင္စီတပ္သည္ ေဒသခံျပည္သူလူထုအေပၚ အေၾကာက္တရားလႊမ္းမိုးစီလိုၿပီး ေတာ္လွန္လိုစိတ္ကို ဖိႏွိပ္ လိုသည့္ ရည္႐ြယ္ခ်က္နန႔္ ေက်ာင္းသား/ေက်ာင္းသူမ်ား၏ စက္လွီမွန္းသိပါလ်က္ အဂုပိုင္တသိတမင္ လူမ ဆန္စြာ ရက္ရက္စက္စက္ပစ္ခတ္သတ္ျဖတ္ျခင္းျဖစ္သည္ဟု ေဒသခံျပည္သူမ်ားက အခိုင္အမာ ယုံၾကည္ နီကတ္သည္။
