APM၊ ဂျူလိုင် ၂/၂၀၂၂
စစ်တွေဆီးရုံသို့ အရေးပေါ် ပို့ဆောင်လိုက်ရသည့် ကျောက်တော်ဒေသခံ မိုင်းထိလူနာသည် ဒေနိ(ဂျူလိုင် ၂ ရက်နိ) မွန်းလွဲ ၃ နာရီကျော်ခန့်တွင် ဆီးရုံမှာ ကွယ်လွန်လားကြောင်း သတင်းရဟိသည်။
သီဆုံးလားသူမှာ ကျောက်တော်မြို့နယ်၊ ဝက်မှိင်းရွာက ဦးသန်းစိန်မောင်(၄၅နှစ်)ဖြစ်ပြီး၊ သူသည် ဂျူလိုင် ၁ ရက်နိ မွန်းလွဲ ၂ နာရီလောက်က ရွာအပြင်သို့နွားကျောင်းလားစဉ် ကျောက်တော်အခြီစိုက် ခမရ (၃၇၅) တပ်ရင်းအနား ထောင်ထားသော မိုင်းနင်းကို နင်းမိခခြင်းဖြစ်သည်။
ယင်းမိုင်းပေါက်ကွဲမှုကြောင့် ဦးသန်းစိန်မောင်၏ ညာဖက်ခြီထောက်ပြတ်ထွက်လားပြီး၊ ဘယ်ဖက်ခြီထောက်တွင် လေ့ ပြင်းပြင်းထန်ထန်ဒဏ်ရာရလားကာ စစ်တွေဆီးရုံသို့ အရေးပေါ်ပို့ဆောင်လိုက်ရာ ဒေနိ(ဂျူလိုင် ၂ ရက်နိ) မွန်းလွဲ ၃ နာရီ ၁၅ မိနစ်ခန့်တွင် ကွယ်လွန်လားပြီးဖြစ်ကြောင်း ရွာသားများက ပြောသည်။
စစ်ကောင်စီတပ်သည် ၎င်းရို့စခန်းအပြင်ဘက်၊ ၎င်းရို့လားလာလှုပ်ယှားသည့် နီရာများ၊ အများပြည်သူ လားလာသည့်နီရာများ၊ ကျွဲ၊ နွား စားကျက်မြီများ၌ မြီမြှုပ်မိုင်း၊ နင်းမိုင်း၊ စွန့်လွှတ်မိုင်းများကို ထောင်ထားသောကြောင့် အရပ်သားများမှာမိုင်းနင်းမှုများ ဆက်တိုက် ဖြစ်ပေါ်လျက်ဟိသည်။
ဆင်းရဲနွမ်းပါးပြည်သူများ တဝမ်းတခါး ဝမ်းစာရှာဖွီသည့် တောတောင်များအစပ်၊ တောတောင်များထဲ၌ မိုင်း ထောင် ခြင်းများကို စစ်ကောင်စီတပ်မှ ရည်ရွယ်ချက်ဟိဟိ ပြုလုပ်လျက်ဟိနီသောကြောင့် ယခုကဲ့သို့ အရပ်သားများ ထိခိုက်၊ သီဆုံးမှု မြင့်တက် လျက် ဟိကြောင်းသိရသည်။
(Zawgyi)
စစ္ေတြဆီး႐ုံသို႔ အေရးေပၚ ပို႔ေဆာင္လိုက္ရသည့္ ေက်ာက္ေတာ္ေဒသခံ မိုင္းထိလူနာ ကြယ္လြန္
APM၊ ဂ်ဴလိုင္ ၂/၂၀၂၂
စစ္ေတြဆီး႐ုံသို႔ အေရးေပၚ ပို႔ေဆာင္လိုက္ရသည့္ ေက်ာက္ေတာ္ေဒသခံ မိုင္းထိလူနာသည္ ေဒနိ(ဂ်ဴလိုင္ ၂ ရက္နိ) မြန္းလြဲ ၃ နာရီေက်ာ္ခန္႔တြင္ ဆီး႐ုံမွာ ကြယ္လြန္လားေၾကာင္း သတင္းရဟိသည္။
သီဆုံးလားသူမွာ ေက်ာက္ေတာ္ၿမိဳ႕နယ္၊ ဝက္မွိင္း႐ြာက ဦိးသန္းစိန္ေမာင္(၄၅ႏွစ္)ျဖစ္ၿပီး၊ သူသည္ ဂ်ဴလိုင္ ၁ ရက္နိ မြန္းလြဲ ၂ နာရီေလာက္က ႐ြာအျပင္သို႔ႏြားေက်ာင္းလားစဥ္ ေက်ာက္ေတာ္အၿခီစိုက္ ခမရ (၃၇၅) တပ္ရင္းအနား ေထာင္ထားေသာ မိုင္းနင္းကို နင္းမိချခင္းျဖစ္သည္။
ယင္းမိုင္းေပါက္ကြဲမႈေၾကာင့္ ဦိးသန္းစိန္ေမာင္၏ ညာဖက္ၿခီေထာက္ျပတ္ထြက္လားၿပီး၊ ဘယ္ဖက္ၿခီေထာက္တြင္ ေလ့ ျပင္းျပင္းထန္ထန္ဒဏ္ရာရလားကာ စစ္ေတြဆီး႐ုံသို႔ အေရးေပၚပို႔ေဆာင္လိုက္ရာ ေဒနိ(ဂ်ဴလိုင္ ၂ ရက္နိ) မြန္းလြဲ ၃ နာရီ ၁၅ မိနစ္ခန႔္တြင္ သီဆုံးလားၿပီးျဖစ္ေၾကာင္း ႐ြာသားမ်ားက ေျပာသည္။
စစ္ေကာင္စီတပ္သည္ ၎႐ို႕စခန္းအျပင္ဘက္၊ ၎႐ို႕လားလာလႈပ္ယွားသည့္ နီရာမ်ား၊ အမ်ားျပည္သူ လားလာ သည့္နီရာမ်ား၊ ကြၽဲ၊ ႏြား စားက်က္ၿမီမ်ား၌ ၿမီျမႇဳပ္မိုင္း၊ နင္းမိုင္း၊ စြန႔္လႊတ္မိုင္းမ်ားကို ေထာင္ထားေသာေၾကာင့္ အရပ္သားမ်ားမွာမိုင္းနင္းမႈမ်ား ဆက္တိုက္ ျဖစ္ေပၚလ်က္ဟိသည္။
ဆင္းရဲႏြမ္းပါးျပည္သူမ်ား တဝမ္းတခါး ဝမ္းစာရွာဖြီသည့္ ေတာေတာင္မ်ားအစပ္၊ ေတာေတာင္မ်ားထဲ၌ မိုင္း ေထာင္ ျခင္းမ်ားကို စစ္ေကာင္စီတပ္မွ ရည္႐ြယ္ခ်က္ဟိဟိ ျပဳလုပ္လ်က္ဟိနီေသာေၾကာင့္ ယခုကဲ့သို႔ အရပ္သားမ်ား ထိခိုက္၊ သီဆုံးမႈ ျမင့္တက္ လ်က္ ဟိေၾကာင္းသိရသည္။
