APM ၊ မေ ၂ / ၂၀၂၃
ဆူဒန်နိုင်ငံ၌ စစ်တပ်နန့် အရံတပ်ဖွဲ့ (RSF) အကြား လက်နက်ကိုင်ပဋိပက္ခများကြောင့် သီဆုံးလူ ၅၂၈ ယောက်ဟိပြီး ဒဏ်ရာ ရ လူပေါင်း ၄,၅၉၉ ယောက် ဟိလာသည်ဟု ဆူဒန်ကျန်းမာရီးဝန်ကြီးဌာနက ဧပြီ ၂၉ ရက်နိတွင် ထုတ် ပြန်သည်။
အဆိုပါသီဆုံးဒဏ်ရာရမှုများသည် ဧပြီ ၁၅ ရက်နိမှ ၂၇ ရက်နိ အထိ ပဋိပက္ခအတွင်းဖြစ်ပွားခခြင်း ဖြစ်သည်။
တိုက်ပွဲများအတွင်း ဆီးရုံများနန့် တခြားဆီးဖက်ဆိုင်ရာအဆောက်အအုံများ ပျက်စီးလား၍ အရေးပေါ်ကျန်းမာရီးစောင့် ယှောက်မှုပီးရန် အခက်အခဲဟိနီကြောင်းလေ့ ဆူဒန်ကျန်းမာရီးဝန်ကြီးဌာနက ဆိုသည်။
တိုက်ပွဲများသည် Khartoum နန့် West Darfur ပြည်နယ်များ၌ အဓိက ဆက်ဖြစ်နီပြီး တိုက်ပွဲများကြောင့် ဆူဒန်ပြည်သူ ၈ သိန်းခန့် နီရပ်စွန့်ခွာထွက်ဗြီးရနိုင်သည်ဟု ကုလသမဂ္ဂက ဧပြီ ၃၀ ရက်နိတွင် ထုတ်ပြန်ခသည်။
ပြီးခသည့် ဧပြီ ၁၅ ရက်နိကလေ့ ဆူဒန်စစ်တပ်နန့် အရံတပ်ဖွဲ့ (RSF) အကြား ဖြစ်ပွားခသည့် တိုက်ပွဲများအတွင်း လူရာနန့် ချီသီဆုံးခပြီး ထောင်နန့်ချီဒဏ်ရာရဟိခကြောင်းသိဟိရသည်။
Source – Sudan’s fighting death toll rose to 528 -health ministry
Photo – AFP
