APM ၊ မာ့ချ် ၂ / ၂၀၂၃
မြောက်ဦးမြို့ဟိ ရှေးဟောင်းသမိုင်းဝင် ကိုးသောင်းပုထိုးတော်မြတ်ကြီး ဗုဒ္ဓပူဇနိယ ပွဲတော်ကို လာမည့် မာ့ချ် ၁၈ ရက်နိမှစ၍ စည်ကားသိုက်မြိုက်စွာ ဆင်ယင်ကျင်းပလားမည်ဖြစ်ကြောင်း သိရသည်။
ကိုးသောင်းဘုရားပွဲတော်ကို မာ့ချ် ၁၈ ရက်နိမှ ၂၀ ရက်နိအထိ ၃ရက်တိုင်တိုင်ကျင်းပလားမည်ဖြစ်ပြီး၊ နိခင်းပွဲအဖြစ် ရက္ခိုင်ရိုးရာကျင်ပွဲ၊ပိုက်ကျော်ခြင်းပြိုင်ပွဲ ၊ အမျိုးသမီးကြိုးဆွဲပြိုင်ပွဲများနန့် ညည့်အချိန်တွင် အောင်ပွဲစံ ဇာတ် သဘင်ဖြင့် ကပြဖျော်ဖြေလားမည်ဖြစ်ကြောင်း ဘုရားဂေါပကအဖွဲ့က ပြောသည်။
ယင်းသို့ ကျင်းပရန်အတွက်လေ့ လက်ဟိတွင် ကိုးသောင်းပုထိုးတော်ပရဝုဏ်အတွင်း မီးများတပ်ဆင်ခြင်း၊ ဘုရား ပတ်ဝန်းကျင်သန်ယှင်းရီးများပြုလုပ်ခြင်းများဆောင်ရွက်ရန် စီစဉ်နီသည်ဟု ဆိုသည်။
အဆိုပါ ရှေးဟောင်းသမိုင်းဝင် ကိုးသောင်းပုထိုးတော်မြတ်ကြီး ဗုဒ္ဓပူဇနိယပွဲတော်ကို အယင်က ကျင့်ပလိမဟိခဘဲ ဒေဂုနှစ်တွင် ပထမအကြိမ်အဖြစ် ကျင်းပခြင်းဖြစ်ကြောင်း သိရသည်။
