APM ၊ အောက်တိုဘာ ၂ /၂၀၂၃
ရက္ခိုင်မာ စပ်တမ်ဘာလအတွင်း ရီမြုပ်သီဆုံးလူ ၁၈ ယောက်အထိ ဟိပြီးကေ၊ ယင်းအထဲမာ အချေ ၅ ယောက်ပါဝင်ကြောင်း သိရပါရေ။
ရီမြုပ်သီဆုံးလားလူတိမာ ပေါက်တောက ၁ ယောက်၊ မြောက်ဦးက ၆ ယောက် ၊ မြေပုံက ၂ ယောက် ၊ မင်းပြားက ၄ ယောက် ၊ ပုဏ္ဏားကျွန်းက ၂ ယောက် ၊ မောင်တောက ၂ ယောက်နန့် သံတွဲက ၁ ယောက်ဖြစ်ပါရေ။
ယင်းအထဲမာ အချေ ၅ ယောက်အပြင် သက်ကြီးရွယ်အိုးတိလည်းပါဝင်ပြီး၊ အများစုမာ မြောက်ဦးမြို့နယ်က ဖြစ်ပါရေ။
ရက္ခိုင်တွင် ဒေနှစ်မိုးရာသီအတွင်း အကြောင်းအမျိုးမျိုးကြောင့် ရီမြုပ်သီဆုံးမှုတိ နိတိုင်းဆိုပိုင် ဖြစ်ပွားနီပါရေ။
APM ကကောက်ယူထားရေစာရင်းအရ ကုန်ခရေ ဂျူလိုင်လကစလို့ ဒေနိအထိ ရက္ခိုင်ပြည်မြို့နယ်အသီးသီးမာ အကြောင်းအမျိုးမျိုးကြောင့် ရီမြုပ်သီဆုံးလူ ၆၀ ထက်မနည်းဟိခကြောင်း သိရပါရေ။
Please follow and like us:
