APM၊ စပ်တမ်ဘာ ၁၉/ ၂၀၂၃
အမေရိကန်နန့် အီရန်နိုင်ငံရို့အကြား အကျဉ်းသားလဲလှယ်ရီးသဘောတူညီချက်အရ အီရန်အကျဉ်းထောင်မာ အကျဉ်းကျနီရေ အမေရိကန်နိုင်ငံသား ၅ ယောက်ကို စပ်တမ်ဘာလ ၁၈ ရက်နိမာ ပြန်လွှတ်ပီးလိုက်ပါရေ။
ကာတာနိုင်ငံ၏ ကြားဝင်ညှိနှိုင်းမှုအရ တောင်ကိုရီးယားဘဏ်တခုမာ အမေရိကန်က ပိတ်ဆို့ထိန်းချုပ်ထားရေ အီရန်နိုင်ငံက ပိုင်ဆိုင်သည့် ဒေါ်လာ ၆ ဘီလီယံကို ပြန်လွှဲပြောင်းပီးခရေနောက် အပြန်အလှန်အနီနန့် အီရန်ကအကျဉ်းသားတိကို ပြန်လွှတ်ပီးခစွာဖြစ်ပါရေ။
အီရန်နိုင်ငံသားအဖြစ် ခံယူထားရေ အမေရိကန်နိုင်ငံက စီးပွားရီးသမား အမျိုးသား ၄ ယောက်နန့် အမျိုးသမီး ၁ ယောက်ရို့စွာ အီရန်မာ နာမည်ဆိုးနန့် ကျော်ကြားရေ အီဗင်အကျဉ်းထောင်အတွင်း ၈နှစ်နီးပါးကြား အကျဉ်း ကျခံခရစွာဖြစ်ပါရေ။
အမေရိကန်ကတော့ သူရို့ကို အီရန်နိုင်ငံရီးမာ စွက်ဖက်လွှမ်းမိုးမှုစွပ်စွဲချက်နန့် ထောင်ချခရစွာလို ဆိုပါရေ။
တချိန်တည်းမာ အမေရိကန်ကလည်း ၎င်းရို့ဖမ်းဆီးထားရေ အီရန်နိုင်ငံသား ၅ ယောက်ကို ပြန်လွှတ်ပီးလိုက်ပါရေ။
အမေရိကန်အကျဉ်းထောင်တိမာ အကျဉ်းကျခံခရရေ အဆိုပါ အီရန်နိုင်ငံသားတိကတော့ အမေရိကန်၏ ပိတ်ဆို့အရေးမှုတိကို ချိုးဖောက်မှုနန့် ပြစ်ဒဏ်ချမှတ်ခံထားရစွာလို့ သိဟိရပါရေ။
Source – US, Iran release prisoners in US$6 billion swap deal
Photo – AP
