APM ၊ စပ်တမ်ဘာ ၁၉ / ၂၀၂၃
ရန်ကုန်၊ လှိုင်သာယာမြို့နယ်မာ စပ်တမ်ဘာ ၁၈ ရက်နိ ညဇာ ၅နာရီခွဲလောက်က ဘတ်စ်ကားတစီး လမ်းဘေးမီးတိုင်ကို ဝင်တိုက်မိလို့ လူ ၄ ယောက် သီဆုံးပနာ ၄ ယောက် ထိခိုက်ဒဏ်ရာရလားရေလို့ မြန်မာပြည်ယာဉ်ထိန်းရဲတပ်ဖွဲ့က သိရပါရေ။
အဆိုပါခရီးသည်တင် ဘတ်စ်ကားစွာ အဟိန်ပြင်းပြင်းနန့်မောင်းလာစွာကြောင့် အနော်ရထာလမ်း၊ ၈၆ ဂိတ်ဟောင်း မှတ်တိုင်နားမာ စက်ဘီးစီးလာရေ လူတယောက်ကို တိုက်မိခပနာ ဆက်တိုက် လမ်းဘေး ဓာတ်မီးတိုင်နန့် ဈီးဆိုင်တိကို ဝင်တိုက်မိခစွာ ဖြစ်ပါရေ။
ယင်းယာဉ်တိုက်မှုကြောင့် အမျိုးသမီး ၂ယောက်နန့် အမျိုးသား ၁ ယောက် အခင်းဖြစ်တေနီရာမာ သီဆုံးခပြီးကေ တခြား အမျိုးသား ၁ ယောက် ဆီးရုံသို့ ရောက်ချိန်မာ သီဆုံးလားရေလို့ ဆိုပါရေ။
လက်ဟိမာ ယာဉ်တိုက်မှုအတွင်း ထိခိုက်ဒဏ်ရာရသူ ၄ယောက်ကို လှိုင်သာယာဆီးရုံကြီးသို့ ပိုဆောင်ထားပြီးကေ ဆီးကုသမှု ခံယူနီရကြောင်း သိဟိရပါရေ။
Photo Myanmar Ambulance Network
