APM ၊ စပ်တမ်ဘာ ၁၉ / ၂၀၂၃
မန်စီးတီးက ချန်ပီယံလိဂ်ဖလားကို နောက်တကြိမ်ဆွတ်ခူးဖို့ ရီပန်းအစားဆုံးဖြစ်ကြောင်း ရီးရဲနည်းပြ ကာလို့ အန်ဆယ်လော့တီက စက်တင်ဘာ ၁၉ ရက် (ဒေနိ) မာပြောကြားခပါရေ။
ရီးရဲစွာ ၂၀၂၂ ခုနှစ်မာ (၁၄) ကြိမ်မြောက် ချန်ပီယံလိဂ်ဖလားကို စံချိန်တင်ရဟိခကေလေ့ ပြီးခရေရာသီက မန်စီးတီးကို ဆီမီးဖိုင်နယ်မာ ယှုံးနိမ့်ခပါရေ။
ပြီးခရေရာသီက စွမ်းဆောင်ရေတိကို ကြည့်ဖို့ဆိုကေ ဒေနှစ် ချန်ပီယံလိဂ်ဖလားကိုလည်း မန်စီးတီးထပ်ရဖို့လို့ ထင်ပါရေ။ သူရို့ခြီစွမ်းက ပြောင်းလဲလားစွာတော့မဟိပါ။ ယေဒါလေ့ ချန်ပီယံလိဂ်မာ မှန်းရခက်တေ အံ့အားသင့်စရာတိ မြင်တွိရပါရေလို့ အန်ဆယ်လော့တီက ဆိုပါရေ။
ရီးရဲအသင်းစွာ ဒေဂုနှစ်ချန်ပီယံလိဂ်ပြိူင်ပွဲမာ ယူနီယံဘာလင်၊ ဘရာဂါ၊ နာပိုလီအသင်းရို့ နန့် အုပ်စု (C) အတွင်းကျနီပြီးကေ အဖွင့်ပွဲစဉ်အဖြစ် ယူနီယံဘာလင် နန့် စပ်တမ်ဘာ ၂၀ ရက်နိညည့် ယှဉ်ပြိုင်ကဇတ်ရဖို့ဖြစ်ပါရေ။
Source- Manchester City favourites to win Champions League, says Ancelotti/Reuters/Daily Mail
Photo-KEEPUP
