APM ၊ ဩဂတ်စ် ၁၉ /၂၀၂၃
ဂျပန်၊ တောင်ကိုရီးယားနန့် အမေရိကန်ဂေါင်းဆောင်များသည် ဩဂတ်စ် ၁၈ ရက်နိက အမေရိကန်နိုင်ငံ၊ မေရီလန်းပြည်နယ် တွင် တွိဆုံဆွေးနွေးခရာ ၃နိုင်ငံအကြား လုံခြုံရီးနန့် စီးပွားရီး ပူးပေါင်းဆောင်ရွက်မှု မြှင့်တင်ရန် သဘောတူခကတ်ကြောင်း သိရသည်။
တွိဆုံဆွေးနွေးမှုကို အမေရိကန်သမ္မတ ဂျိုးဘိုင်ဒင်၊ တောင်ကိုရီးယားသမ္မတ ယွန်ဆူးယောင်းနန့် ဂျပန်ဝန်ကြီးချုပ် ဖူမီယို ကီရှီဒါ ရို့ ပြုလုပ်ခကတ်ခြင်းဖြစ်ပြီး လုံခြုံရီးနန့်စီးပွားရီး ပူးပေါင်းဆောင်ရွက်မှု မြှင့်တင်ရန် သဘောတူခကတ်သည်ဟု သမ္မတ ဂျိုးဘိုင် ဒန်က ဆွေးနွေးပွဲအပြီး ပူးတွဲသတင်းစာယှင်းလင်းပွဲတွင် ပြောသည်။
အဆိုပါ တွိဆုံမှုအတွင်း ဂေါင်းဆောင်များသည် ၃နိုင်ငံအကြား နှစ်စဉ် စစ်ရီးလေ့ကျင့်မှုနန့် ဆက်သွယ်ရီးကဏ္ဍကို မြှင့်တင်ရန် ၊ ထောက်ပံ့ရီးကွင်းဆက် ကြိုတင်သတိပီးစနစ် ထူထောင်ခြင်း အပါအဝင် ၎င်းရို့၏ ဆက်ဆံရီးကို ပိုမိုခိုင်မာလာစီရန် သဘော တူညီခကတ်သည်ဟု ဆိုသည်။
ယင်းအပြင် ပစိဖိတ်ဒေသတွင်း ခြိမ်းခြောက်မှု နန့် လုံခြုံရီဆိုင်ရာပြဿနာတခုခု ဖြစ်လာလျှင် ၃ နိုင်ငံအကြား တိုင်ပင် ဆွေးနွေး ရန်၊ အင်ဒို-ပစိဖိတ် ထိတွိဆက်ဆံမှုကို အားကောင်းစီရန်နန့် ဘုံသာယာဝပြောရီးကို မြှင့်တင်ရန်လေ့ သဘောတူဆွေးနွေးခကတ် ကြောင်း သိဟိရသည်။
Source – Leaders of US, South Korea and Japan hail summit as turning point
Photo – Reuters
