APM ၊ ဂျူလိုင် ၁၉ / ၂၀၂၃
ပါကစ္စတန်နိုင်ငံ၊ ပက်ချ်ဝါမြို့တွင် ဂျူလိုင် ၁၈ ရက်နိက လုံခြုံရီးယူနီသည့် စစ်ကားတန်းကို ကားတစီးနန့် အသီခံ ဗုံးခွဲ တိုက်ခိုက်မှုကြောင့် ဗုံးခွဲသူအပါအဝင် လူ ၂ ယောက်သီဆုံးခပြီး စစ်သား ၇ ယောက် ထိခိုက်ဒဏ်ရာရလားကြောင်း သိရသည်။
သီဆုံးခသူမှာ အကြီးတန်းစစ်တပ်အရာဟိ ၁ ယောက်ဖြစ်ပြီး ထိခိုက်ဒဏ်ရာရဟိသည့် တပ်ဖွဲ့ဝင်များကို စစ်တပ် ဆီးရုံသို့ ပို့ဆောင်ကုသနီကြောင်း စစ်တပ်ဆီးဖက်ဆိုင်ရာဒါရိုက်တာ ပါမောက္ခ ချေဇဒ်အာခ်ဘာခန်းက ပြောကြားသည်။
ဗုံးခွဲတိုက်ခိုက်မှုကို Tehrik-i-Taliban Pakistan (TTP) က ပြုလုပ်ခခြင်းဖြစ်ပြီး ဗုံးခွဲတိုက်ခိုက်မှုအတွင်း လုံခြုံရီးဗင်ကား နှစ်စီးလေ့ ပျက်စီးခကြောင်း သိရသည်။
ပြီးခသည့် ဂျူလိုင် ၁၂ရက်နိက တခြားလက်နက်ကိုင်တဖွဲ့ဖြစ်သည့် Tehreek-e-Jafaria(TJP) က ပါကစ္စတန်တောင်ပိုင်းဟိ စစ်အခြီစိုက်စခန်းတခုကို တိုက်ခိုက်ရာ စစ်သား ၁၂ ယောက်သီဆုံးခပြီး တာလီဘန်တပ်ဖွဲ့ဝင် ၅ ယောက် သီဆုံးခသည်။
ယင်းအပြင် ပြီးခသည့် ဂျန်နဝါရီ ၃၀ ရက်နိက ပက်ချ်ဝါမြို့ဟိ ဗလီကျောင်းတခုတွင် အသီခံဗုံးခွဲတိုက်ခိုက်မှုဖြစ်ပွားခရာ လူပေါင်း ၁၀၀ ကျော် သီဆုံးခပြီး ၂၂၀ ကျော် ထိခိုက်ဒဏ်ရာရဟိခသိမ့်သည်။
Source – Explosion in Pakistan’s Peshawar kills two, wounds several/ Ruters
Photo – Ruters
