APM ၊ ဂျူလိုင် ၁၉ / ၂၀၂၃
ရုသျှား နန့် ဘီလာရုစ်အားကဇတ်သမားများအား ၎င်းရို့အစိုးရများ၏ လုပ်ရပ်အတွက် အပြစ်ပီးအရေးယူခြင်းမျိုး မပြုလုပ်သင့်ကြောင်း နိုင်ငံတကာ အိုလံပစ်ကော်မတီ (IOC) ဥက္ကဋ္ဌ သောမတ်စ်ဘာ့ခ်ျက ဂျူလိုင် ၁၈ ရက်နိတွင် ပြောကြားသည်။
ရုသျှား-ယူကရိန်းစစ်ပွဲကြောင့် ရုသျှား နန့် ဘီလာရုစ်အားကဇတ်သမားများအား အားကဇတ်ကဏ္ဍအသီးသီးမှ တားမြစ်ပိတ်ပင်ထားခြင်းနန့်ပတ်သက်၍ သောမတ်စ်ဘာ့ချ်က ယင်းသို့ ပြောဆိုခခြင်းဖြစ်သည်။
သောမတ်စ်ဘာ့ခ်ျက “ကမ္ဘာ့အားကဇတ်သမားအားလုံးကို ငြိမ်းချမ်းရေပြိုင်ပွဲမှာ စုစည်းဖို့ ကျနော်ရို့မှာ တာဝန်ဟိပါရေ ဟုဆိုသည်။
ယင်းအပြင် “ရုသျှားအစိုးရကို ကျနော်ရို့ ဒဏ်ခတ်ပိတ်ဆို့ထားပါရေ။ ယေဒါလေ့ ကျနော်ရို့ လူ့အခွင့်အရေးကို ကာကွယ်ရ ပါဖို့။ ယေဇူးနန့် အားကဇတ်သမားတိကို ပြန်ကဇတ်ခွင့်ပြုဖို့အတွက် အချိန်ယူ ဆုံးဖြတ်ချက် ချဖို့လိုပါရေ” ဟုလေ့ သူက ထပ်လောင်းပြောကြားခသိမ့်သည်။
ပြင်သစ်နိုင်ငံ၊ ပါရီမြို့တွင်ကျင်းပမည့် ၂၀၂၄ အိုလံပစ်အားကဇတ်ပြိုင်ပွဲကြီးကို ၂၀၂၄ ခုနှစ် ဂျူလိုင် ၂၆ မှ သြဂတ်စ် ၁၁ ရက်နိအထိ ကျင်းပမည်ဖြစ်သည်။
Source- The IOC said that no action should be taken against the athletes for the actions of Russia and Belarus/AP/Reuters
Photo- SportsTravel
