APM ၊ ဧပြီ ၁၉ / ၂၀၂၃
မင်းပြားဟိ သောက်ရီကန်များမှာ ပြီးခသည့်နှစ်ကထက် ပို၍ အယင်ခမ်းခြောက်လား၍ ဒေသခံများမှာ သောက် သုံးရီယှားပါးသည့် ပြဿနာနန့် ရင်ဆိုင်နီကတ်ရကြောင်း သိရသည်။
မင်းပြားဟိ အဓိကသောက်ရီကန်များဖြစ်သည့် ပြည်တော်လှသောက်ရီကန်၊ မင်းကန်သောက်ရီကန်နန့် တခြား သောက်ရီကန် များတွင် လက်ဟိ၌ ရီလုံးဝခမ်းခြောက်လားခြင်းဖြစ်သည်။
ယင်းအပြင် ရီစကေဟိနီသိမ့်သည့် တချို့သောက်ရီကန်များမှာလေ့ ရီနှောက်နီကာ သုံးမရဖြစ်နီ၍ သောက်ရီယှား ပါး သည့် ပြဿနာနန့် ရင်ဆိုင်နီရကြောင်း ဒေသခံများကပြောသည်။
ယင်းသို့ သောက်ရီကန်များ ခမ်းခြောက်လား၍ မင်းပြားမြို့ခံများမှာ လက်ဟိ၌ မင်းပြားမြို့၊ အမ်းသားရွာဟိ ရီသန့် စက်ရုံမှ လီတာ ၂၀ ဟိရီသန့်ဘူးများကို ငွေကုန်ကြေးကျခံကာ ခက်ခက်ခဲခဲနန့် ဝယ်ယူသောက်သုံးနီရကြောင်း ဆိုသည်။
ရက္ခိုင်ပြည်ဟိ သောက်သုံးရီကန်အများစုမှာ မိုးရီကို အဓိကထား သိုလှောင်ရသည့် ကန်များဖြစ်၍ ပြီးခသည့်နှစ်က မိုးရွာ သွန်းမှုနည်းပါးခမှုကြောင့် ဒေနှစ်မှာ နွေရာသီမရောက်ခင် သောက်သုံးရီကန်များ ခမ်းခြောက်လားခြင်းဖြစ် ကြောင်း သိဟိရ သည်။
