APM ၊ မာ့ချ် ၁၉ / ၂၀၂၄
တအာင်းစစ်ဒေသအတွင်း သိမ်းပိုက်ရဟိထားရေမြို့နယ် ၆ခုမာ စစ်ကောင်စီအတွက် တပ်သားသစ်စုဆောင်းပီးရေ အုပ်ချုပ်ရီးမှူးတိကို ပြင်းပြင်းထန်ထန်အရေးယူလားဖို့လို့ ပလောင်ပြည်နယ် လွတ်မြောက်ရီးတပ်ဦး/ တအာင်းအမျိုးသား လွတ်မြောက်ရီးတပ်မတော် PSLF/TNLA က ဒေနိ(မာ့ချ် ၁၉ ရက်နိ)မာ သတိပီးထုတ်ပြန်လိုက်ပါရေ။
စစ်ကောင်စီစွာ PSLF/TNLA စစ်ဒေသအတွင်းဟိ လားသျှိုးမြို့နယ် ၊ သီပေါမြို့နယ် ၊ ကျောက်မဲမြို့နယ် ၊ နောင်ချိုမြို့နယ်၊ မိုးကုတ်မြို့နယ်နန့် မိုးမိတ်မြို့နယ်ရို့မာ အဓမ္မစစ်သားစုဆောင်းနီရေအတွက် ပြည်သူလူထုက TNLA သို့ တိုင်းကြားအကူအညီတောင်းခံလာရေလို့ ဆိုပါရေ။
ယင်းပိုင်စစ်သားသစ်စုဆောင်းခါ ရပ်ကွက်မှူး၊ ကျေးရွာ အုပ်ချုပ်ရီးမှူး၊ အုပ်စုအုပ်ချုပ်ရီးမှူးတိကို သတ်မှတ်ထားရေ တပ်သားသစ်ဦးရေအတိုင်း စစ်ကောင်စီတပ်သို့ ကောက်ခံပို့ပီးရဖို့လို့ စီခိုင်းလာရေအတွက် တချို့အုပ်ချုပ်ရီးမှူးတိစွာ မလွှဲမယှောင်သာ စတင်အကောင်ထည်ဖော်ဆောင်ရွက်နီရေလို့ TNLA က ပြောပါရေ။
စစ်ကောင်စီဘားမာ စစ်မှုထမ်းဖို့အတွက် အုပ်ချုပ်ရီးမှူးတိကို အဓမ္မစစ်သားစုဆောင်းခိုင်းခြင်းကို မြို့မိ မြို့ဖတိအပါအဝင် ရပ်ရွာလူထု နန့် TNLA က လက်မခံကြောင်း၊ အကယ်တန္တိ အုပ်ချုပ်ရီးမှူး တယောက်ယောက်စွာ လူထုဆန္ဒကို ဆန့်ကျင်ကျော်လွန်ပြီးကေ စစ်ကောင်စီအတွက် တပ်သားသစ်စုဆောင်းပီးပါက ယင်းအုပ်ချုပ်ရီးမှူးကို ပြင်းပြင်းထန်ထန် အရေးယူလားဖို့ဖြစ်ကြောင်းထုတ်ပြန်ချက်မာ ဖော်ပြထားပါရေ။
Photo- PSLF/TNLA
