
APM ၊ ဒီဇမ်ဘာ ၁၉ / ၂၀၂၃
တရုတ်နိုင်ငံအနောက်မြောက်ပိုင်းမာ ဒီဇမ်ဘာ ၁၈ ရက်နိ၊ ညည့်က အင်အားပြင်းငယင် တခု လှုပ်ခတ်ခလို့ လူ ၁၁၁ ယောက်သီဆုံးခရပြီးကေ ၂၂၀ ထိခိုက်ဒဏ်ရာရလားခကြောင်း နိုင်ငံပိုင်သတင်းဌာနက ဒေနိ (ဒီဇမ်ဘာ ၁၉ ရက်နိ)မာ ဖော်ပြပါရေ။
အဆိုပါ ငယင်ရေ ပြင်းအားရစ်ချ်တာစကေး ၆ ဒသမ ၂ အဆင့်ဟိပြီးကေ လူအများအိပ်ပျော်နီရေအချိန် ညည့် ၁၁ နာရီ ၅၉ မိနစ်မာ ဂန်ဆု ပြည်နယ် နန့် သျှန်ဟိုင်းပြည်နယ်မာ ပြင်းပြင်းထန်ထန်လှုပ်ခတ်ခစွာဖြစ်ပါရေ။
ငယင်လှုပ်ခတ်မှုကြောင့် ဂန်ဆုပြည်နယ်မာ လူ ၁၀၀ သီဆုံးပြီးကေ၊ ၉၆ ယောက်ဒဏ်ရာရလားခရပိုင်၊ သျှန်ဟိုင်းပြည်နယ်မာ လူ ၁၁ ယောက်သီဆုံးပနာ ၁၂၄ ယောက်ဒဏ်ရာရလားခရေလို တာဝန်ဟိသူတိက ဆိုပါရေ။
ယင်းအပြင် အဆောက်အအုံအများအပြားလည်း ပျက်စီးခရပနာ လက်ဟိမာ ရှာဖွီရီးနန့် ကယ်ဆယ်ရီးလုပ်ငန်းတိ အစွမ်းကုန် ကြိုးပမ်းဆောင်ရွက်ဖို့ တရုတ်သမ္မတ ချီကျင့်ဖျင်က တောင်းဆိုထားပါရေ။
ကုန်ခရေ ၂၀၂၂ ခုနှစ်၊ စပ်တမ်ဘာလကလည်း တရုတ်နိုင်ငံ၊ စီချွမ်ပြည်နယ်မာ ပြင်းအား ၆.၆ အဆင့်ဟိ ငယင်တခု လှုပ်ခတ်ခလို့ လူ ၁၀၀ နီးပါး သီဆုံးခရပါသိမ့်ရေ။
Source – More than 100 people killed in earthquake in northwest China
Photo – Xinhua


