APM ၊ နိုဗမ်ဘာ ၁၉/ ၂၀၂၃
လောက်ကိုင်တိုက်ပွဲတိအတွင်း ပိတ်မိနီရေ ထိုင်းနိုင်ငံသား ၄၁ ယောက်စွာ လက်ဟိမာ လုံလုံလုံခြုံခြုံနန့် ထိုင်းသို့ပြန်လည်ရောက်ဟိခကတ်ကြောင်း ထိုင်းစစ်တပ်က ဆိုပါရေ။
အဆိုပါထိုင်းနိုင်ငံသား ၄၁ ယောက်ကို တာချီလိတ်-မယ်ဆိုင် နယ်စပ်တန်းထားကတဆင့် သက်ဆိုင်ရာတာဝန်ဟိရေလူတိက နိုဗမ်ဘာ ၁၈ ရက်နိမာ လွှဲပြောင်းရယူခစွာဖြစ်ပြီးကေ ယင်းအထဲ အမျိုးသား ၂၃ ယောက်နန့် အမျိုးသမီး ၁၈ ယောက်ပါဝင်ရေလို့ သိရပါရေ။
အဆိုပါထိုင်းနိုင်ငံသားတိရေ လောက်ကိုင်မာ မြန်မာစစ်တပ်နန့် ညီနောင်မဟာမိတ်(၃)ဖွဲ့ဖြစ်တေ MNDAA၊ TNLA၊ AA ရို့ အကြား အောက်တိုဘာ ၂၇ ရက်နိကစလို့ စတင်ဖြစ်ပွားခရေ တိုက်ပွဲတိကြောင့် ၃ ပတ်ကြာ ပိတ်မိခကတ်စွာဖြစ်ပါရေ။
နောက်ထပ်လည်း လောက်ကိုင်မြို့အတွင်း ပိတ်မိ နီရေ ထိုင်းနိုင်ငံသား ၁၅၄ ယောက် ကျန်နီသိမ့်ရေလို့ သိဟိရပါရေ။
Source – 41 Thais Trapped By Myanmar Fighting Repatriated: Army
Photo -Bangkok post
