APM၊ ဒီဇမ်ဘာ ၁၈/၂၀၂၂
ဒေနိညဇာ ကဇတ်မည့် ကမ္ဘာ့ဖလားဗိုလ်လုပွဲတွင် အာဂျင်တီးနားအသင်းသည် မက်ဆီကြောင့် ပြင်သစ်ကို အနိုင် ရမည်ဟု အာဂျင်တီးနား လက်ရွီးစင်ဂိုးသမား မာတီနက်ဇ်က အခိုင်အမာ ပြောဆိုလိုက်သည်။
“အာဂျင်တီးနားက ပြင်သစ်ကိုသေချာပေါက်နိုင်ဖို့ပါ။ ဇာကြောင့်လဲဆိုကေ အာဂျင်တီးနားအသင်းမှာ ကမ္ဘာ့ အကောင်းဆုံး ဘောလုံးသမား မက်ဆီ ပါနီလို့ ဖြစ်ပါရေ” ဟု မာတီနက်ဇ် က ပြောသည်။
ယင်းအပြင် လက်ရွီးစင်ဂိုးသမား မာတီနက်ဇ်က “မက်ဆီစွာ ဘောလုံးစွမ်းရည် နန့် ကြံ့ခိုင်မှုပါ အကောင်း ဆုံးကြိုး စားနီပါရေ။ ယင်းချင့်တိက အာဂျင်တီးနားကို တပန်းသာစီပါရေ။ အသင်းမှာ ဒေဂုပိုင်ကမ္ဘာ့အကောင်းဆုံး ကဇတ်သမားဟိနီစွာကိုက ကျနော်ရို့အတွက် အများကြီး အထောက်အကူဖြစ်စီပါရေ”ဟု ဆိုသည်။
ယင်းနောက် ဒေနိညဇာကဇတ်မည့် ကမ္ဘာ့ဖလားဗိုလ်လုပွဲမှာ ပြိုင်ဖက်ပြင်သစ်အသင်းက အနိုင်ရမည်ဟု ရီပန်းစား နီကေလေ့ မက်ဆီ၏ စွမ်းဆောင်ရည်ကြောင့် အာဂျင်တီးနား အနိုင်ရမည်ဟု သူယုံကြည်ကြောင်းလေ့ မာတီနက်ဇ် က ထပ်လောင်းပြောကြား ခသည်။
မက်ဆီသည် “၂၀၂၁ကိုပါအမေရိကဖလားပြိုင်ပွဲ”မှာ သွင်းဂိုး ၄ဂိုးနန့် ဂိုးဖန်တီးမှု ၅ကြိမ်စွမ်းဆောင်၍ “ရွှေဖိနပ်ဆု” ကို ရယူနိုင်ခပြီး၊ ဒေဂု ကာတာကမ္ဘာ့ဖလားပြိုင်ပွဲမှာလေ့ သွင်းဂိုး ၅ ဂိုးအထိ သွင်းယူထားကာ ကမ္ဘာ့ဖလားရွှေဖိနပ် ဆုအတွက် ဦးဆောင်နီသူလေ့ ဖြစ်သည်။
Photo – Goal.com
