APM၊ ဒီဇမ်ဘာ ၁၈ ၊ ၂၀၂၂
အာဂျင်တီးနားအနီနန့် ပြင်သစ်တိုက်စစ်မှူး အမ်ဘာပေကို စုစည်းမှုအင်အားနန့် ထိန်းလားမည်ဟု အာဂျင်တီးနား နည်းပြ စကာလိုနီက ပြောဆိုလိုက်သည်။
“အာဂျင်တီးနားကဇတ်သမားတိအနီနန့်အမ်ဘာပေကို စုစည်းမှုအားနန့်ထိန်းလို့ရရေ။ပြင်သစ်အသင်းက အမ်ဘာ ပေတယောက်တည်းမဟုတ်တေအတွက် စည်းလုံးညီညွတ်မှုဟိဟိနန့် အာရုံစိုက်ကဇတ်ဖို့ရာ လိုပါရေ”ဟု နည်းပြ စကာလိုနီက ဆိုသည်။
ယင်းအပြင် အာဂျင်တီးနားနည်းပြစကာလိုနီက“ဒေနိညဇာ ၉ နာရီခွဲတွင် ကဇတ်မည့် ဗိုလ်လုပွဲက အာဂျင်တီးနား နန့် ပြင်သစ်ပွဲစဉ်ဖြစ်၍ နှစ်သင်းစလုံးအတွက် အလွန်အရေးပါကြောင်း၊ မက်ဆီနန့် အမ်ဘာပေရို့ကို ကျော်လွန်၍ တခြား ကဇတ်သမားများကလေ့ အဆုံးအဖြတ်ပီးလားနိုင်ကြောင်း” ဖြည့်စွက်ပြောဆိုလားခသည်။
ပြင်သစ်အသင်းသည် ကမ္ဘာ့ဖလားဗိုလ်လုပွဲကို (၂)ကြိမ်ဆက်တိုက် တက်ရောက်နိုင်ခပြီး၊၂၀၁၈ ကမ္ဘာ့ဖလား၌လေ့ ပြင်သစ်က အာဂျင်တီးနားကို ၄ ဂိုး- ၂ ဂိုးနန့် အနိုင်ရခကြောင်း သိဟိရသည်။
Photo – Minha Torcida
