APM ၊ စပ်တမ်ဘာ ၁၈ / ၂၀၂၃
အက်သလက်တီကိုကွင်းလယ်ကဇတ်သမား သောမတ်စ်လီမာစွာ ညာဖက်ခြီဖနောင့် ခွဲစိတ်ကုသမှုခံယူရဖို့ဖြစ်ကြောင်း ကလပ်အသင်းဖက်က စပ်တမ်ဘာ ၁၇ ရက်နိ ထုတ်ပြန်ပါရေ။
လီမာ စွာ စပ်တမ်ဘာ ၁၆ ရက်နိ ဗလင်စီယာကို ၃ ဂိုးပြတ် နန့် ယှုံးနိမ့်ခရေပွဲမာ ညာဖက်ခြီသလုံး နန့် ခြီဖနောင့်အရိုးကို ချိတ်ဆက်ထားရေ Achilles အရွတ် ပေါက်ပြဲ ဒဏ်ရာရလားစွာပါ။
“လီမာ ၏ ဒဏ်ရာကို အသင်းဆီးဖက်ဆိုင်ရာ ဝန်းထမ်းတိနန့် စစ်ဆီးကြည့်ခါက ညာဖက်ခြီဖနောင့် Achilles ပေါက်လားရေ လို့ ပြောပါရေ။ ယင်းအတွက်နန့် ခွဲစိတ်ကုသမှုခံယူလားပါဖို့” လို့ ဆိုပါရေ။
အသက် ၂၇ နှစ် အရွယ် လီမာ စွာ ၂၀၁၈ ခုနှစ်မာ မိုနာကနီ ရေအက်သလက်တီကို သို့ ရောက်လာပြီးကေ အသင်းအတွက် ပွဲပေါင်း ၁၇၀ ကျော်ကဇတ်ထားပနာ ၁၁ ဂိုးသွင်း၊ ၁၈ ဂိုး ဖန်တီးပီးထားပါရေ။
အက်သလက်တီကို စွာ လာလီဂါလေးပွဲကဇတ်ပြီးချိန် ရမှတ် ၇ မှတ်နန့် အဆင့် (၇) နီရာမာ ရပ်တည်နီပနာ စပ်တမ်ဘာ ၂၀ ရက်နိ လာဇီယိုအသင်း နန့် ချန်ပီယံလိဂ်အုပ်စုအဖွင့်ပွဲစဉ်ကို ကဇတ်ရဖို့ဖြစ်ပါရေ။
Source- Atletico’s Lemar to undergo surgery on ruptured Achilles tendon/AP
Photo- Sport.fr
