APM ၊ စပ်တမ်ဘာ ၁၈ / ၂၀၂၃
မလေးသျှားနိုင်ငံ၊ ကွာလာလာမ်ပူမြို့မာ တရားမဝင် နိုက်ကလပ်တခုကို မလေးသျှားအာဏာပိုင်တိ ဝင်ဖမ်းလို့ မြန်မာ ပြည်သား ၉၀ ကျော် ဖမ်းဆီးခံခရကြောင်း မလေးသျှားသတင်းတိက စပ်တမ်ဘာ ၁၇ ရက်နိမာ ဖော်ပြပါရေ။
ကွာလာလာမ်ပူမြို့က တမန်စီမာရပ်မာ မြန်မာပြည်သားတိအများကြီးလာရောက်ပျော်ပါးရေ တရားမဝင် နိုက်ကလပ်နန့် ကာရာ အိုကေ ၃ ခုကို စပ်တမ်ဘာ ၁၆ ရက်နိညည့်က မလေးသျှားလ၀က နန့် နယ်မြီခံရဲတိဝင်ဖမ်းခစွာလို့ ရဲချုပ် ဒါတွက် အာမက် ဇာဖီးယားမိုယူဆော့ဖ်က ပြောပါရေ။
ဖမ်းဆီးခံရရေ မြန်မာပြည်သားတိထဲက ၂၉ ယောက်စွာ တရားမဝင်နီထိုင်ရေလူတိလို့ သိရပါရေ။
ယင်းကြောင့် မလေးသျှား လူဝင်မှုကြီးကြပ်ရေးဆိုင်ရာ ဥပဒေတိ နန့် ဆက်လို့အရေးယူလားဖို့ဖြစ်ပြီးကေ ခွင့်ပြုချက်မဟိဘဲ ဖျော်ဖျော်ရီး လုပ်ငန်း လုပ်ကိုင်မှု၊ အကောက်ခွန်ဥပဒေရို့နန့်လေ့ စုံစမ်းစစ်ဆီးမှုတိ ဆက်လုပ်နီရေလို့ သိဟိရပါရေ။
Source – Illegal entertainment centre for Myanmar nationals raided, 92 detained
Photo New Straits Times
