APM ၊ စပ်တမ်ဘာ ၁၈ / ၂၀၂၃
ကွန်ဂိုနိုင်ငံ၊ မွန်ဂါလာပြည်နယ်၊ လီဆယ်လ်မြို့မာ မိုးပြင်းထန်စွာရွာသွန်းမှုကြောင့် မြီပြိုမှုတိ ဖြစ်ခရေအတွက် တရက်အတွင်း လူ ၁၇ ယောက်ထက်မနည်း သီဆုံးခရေလို့ စပ်တမ်ဘာ ၁၇ရက်နိက အာဏာပိုင်တိက ဆိုပါရေ။
မြီပြိုမှုစွာ တောင်စောင်းတိမာဖြစ်ခပြီးကေ တောင်ခြီရင်းမာ ဟိရေ နီအိမ်တိကို မြီစာပုံ ဖုံးလားရေအတွက် ဒေသခံ ၁၇ ယောက် သီဆုံးခစွာလို့ ဒေသခံ အရပ်ဖက်အဖွဲ့အစည်း Forces Vives ဥက္ကဋ္ဌ မတ်သီမောလ် က ပြောကြားပါရေ။
လက်ဟိမာ အပျက်အစီးတိနန့် မြီစာပုံတိအောက်က လူတိကို ဆက်လို့ရှာနီရေအတွက် လူသီဆုံးမှုတိ များလာနိုင်ရေလို့ ဆိုပါရေ။
ယင်းကြောင့် လူအသီအပျောက်စာရင်းစွာ ယာယီဖြစ်နီသိမ့်ပြီးကေ ဒေသခံအာဏာပိုင်တိက အပျက်အစီးတိကို ဖယ်ယှားဖို့နန့် အသက်ရှင်ကျန်လူတိကို ကယ်တင်နိုင်ဖို့ စက်ပစ္စည်းအကူအညီတိ လိုအပ်နီကြောင်း ပြောကြားထားပါရေ။
Source – Landslide in northwest Congo kills at least 17 people after torrential rain
Photo EPA
