APM ၊စပ်တမ်ဘာ ၁၄/၂၀၂၃
မြောက်ဦး၊မြတန်ဆောင်းစစ်ဖီးယှောင်စခန်းက စစ်ဖီးယှောင်တိ လက်ဟိမာ ဆန်အပါအဝင်စားနက်ရိက္ခာ အခက်အခဲတိနန့် ရင်ဆိုင်နီရရေလို့ သိရပါရေ။
ယင်းစစ်ဖီးယှောင်စခန်းမာ ဆန်အပါအဝင်တခြားအသုံးဆောင်ပစ္စည်းတိမရစွာလည်း ၈ လကျော်ကြာမြင့်နီယာဖြစ်လို့ လက်ဟိမာ စစ်ဖီးယှောင်တိစွာ ကြုံရာကျဘမ်း အလုပ်တိကိုဝင်လုပ်ပနာ အသက်မွီးဝမ်း ကျောင်းပြုနီရရေလူတိဖြစ်ပြီးကေ လက်ဟိအလုပ်အကိုင်ယှားပါးလို့ အခက်ကြုံနီကတ်ရရေလို့ စစ်ဖီးယှောင်တိကဆိုပါရေ။
အေကြားထဲ ကုန်ဈီးနှုန်း အဆမတန် တက်နီစွာနန့် အကူအညီလှုဒါန်းမှု နည်းပါးစွာကြောင့် စားနက်ရိက္ခာ ပြတ်လပ်လာရေအတွက် စစ်ဖီးယှောင်တိ ပိုလို့အခက်ကြုံလာကတ်ရရေလို့ ဆိုပါရေ။
မြောက်ဦး၊ မြတန်ဆောင်း စစ်ဖီးယှောင်စခန်းမာ အိမ်ထောင်စု ၂၇၈ စုနန့် လူဦးရေ ၁၁၇၅ ယောက် ခိုလှုံနီပြီးကေ ယင်းအထဲမာကိုယ်လက်အင်္ဂါချို့ယွင်းသူတချိုလည်း ပါဝင်ရေလို့သိရပါရေ။
Please follow and like us:
