APM ၊ စပ်တမ်ဘာ ၁၈ / ၂၀၂၃
ပြီးခရေအပတ်က တူရကီလက်ရွီးစင်အသင်း နန့် ဂျပန်လက်ရွီးစင်အသင်းရို့ ကဇတ်ခကတ်တေ ချစ်ကြည်ရီးခြီစမ်းပွဲမာ ကဇတ်သမားတိကို ဝေဖန်ပြင်တင်ခရေ နည်းပြချုပ် စတီဖန်ကွမ်ဇ် ကို တူရကီဘောလုံးအဖွဲ့ချုပ် (TFF) က စာချုပ်ဖျက်သိမ်းဖို့ ဆုံးဖြတ်ခကြောင်း Demiroren News Agency က စပ်တမ်ဘာ ၁၇ နိမာ ဖော်ပြပါရေ။
ဂျပန်အသင်းကို ၄ ဂိုး၊ ၂ ဂိုး နန့် ယှုံးခရေ ယင်းပွဲအပြီး နည်းပြ စတီဖန်ကွမ်ဇ် စွာ “ကဇတ်သမားတိအနီနန့် အင်တာဗျူးတိက ဝေဖန်သံတိမဟုတ်ဘဲ ကွင်းထဲက ဝေဖန်မှုတိကို တုံ့ပြန်ဖို့ လိုအပ်တေ။ သူရို့တိ အကောင်းဆုံး စွမ်းဆောင်ရည်တိကို မပြနိုင်ရေအတွက် ကျနော့် စိတ်မကောင်းဖြစ်မိရေလို့ ပြောဆိုခစွာ ဖြစ်ပါရေ။
ယင်းနောက် နည်းပြ စတီဖန်ကွမ်ဇ် ၏ မှတ်ချက်တိစွာ ကဇတ်သမားတိကို ထိခိုက်စီရေဆိုပနာ တူရကီဘောလုံး အဖွဲ့ချုပ် TFF က ၂၀၂၄ မာ ကုန်ဆုံးဖို့ သူ့၏စာချုပ်ကို ဖျက်သိမ်းဖို့ ဆုံးဖြတ်ခရေလို့ ဆိုပါရေ။
ဂျာမနီလက်ရွီးစင်တိုက်စစ်မှူးဟောင်း စတီဖန်ကွမ်ဇ် စွာ ဂျာမနီယူ-၂၁ အသင်းကို ၂၀၁၇ နန့် ၂၀၂၁ ရို့မာ ဥရောပချန်ပီယံဖြစ်အောင် စွမ်းဆောင်ပီးခပြီးနောက် ၂၀၂၁ ခုနှစ် စပ်တမ်ဘာမာ တူရကီလက်ရွီးစင် နည်းပြအဖြစ် ခန့်အပ်ခံခရပြီးကေ ပွဲ ၂၀ တာဝန်ယူခရာ ၁၂ ပွဲ နိုင်၊ ၃ ပွဲ သရေ၊ ၅ ပွဲယှုံးနိမ့်ခကြောင်း သိရပါရေ။
Source- Coach Stefan Kwanz’s contract has been canceled due to criticism of the players/Reuters
Photo- Daily Sabah
