APM၊စပ်တမ်ဘာ၁၈ / ၂၀၂၃
ပုဏ္ဏားကျွန်းနယ်က ပဒေသာ-ကျွဲထိုး ရွာချင်းဆက်လမ်းစွာ လက်ဟိမာ လားလို့မရအောင် ဆိုးဆိုးဝါးဝါး ပျက်စီး နီရေလို့သိရပါရေ။
ယင်းလမ်းမှာ ပဒေသာကနီ ကျွဲထိုးရွာသို့ ဖောက်လုပ်ထားစွာဖြစ်ပြီးကေ လမ်းတလျှောက် ငှက်ကြီးကျွန်း၊ အိုင်ဒင်၊ တန်းခိုး စရေ ရွာပေါင်း ၅ ရွာကို ဆက်သွယ်ထားရေလမ်းဖြစ်ပါရေ။
ယင်းလမ်းမှာ ကျောက်ခင်းလမ်းကေလေ့ မိုးရွာကေ ရီတင်ပနာ မြီသားအတိုင်ရာ ကျန်နီလို့ ခရီးလားကား၊ဆိုင်ကယ်တိ လုံးဝလားမရလောက်အောင် ဆိုးဆိုးဝါးဝါး ပျက်စီးနီစွာလို့ သေခံတိက ပြောပါရေ။
ဒေသခံရွာသားတိ စုပေါင်းလို့ လမ်းတလျှောက် ကိုယ်ထူကိုယ်ထ ကျောက်တိခင်းကေလေ့ မိုးများနီလို့ ပိုဆိုးလာနီရေလို့ ဆိုပါရေ။
လက်ဟိ လမ်းပျက်နီလို့ ဒေသခံတိလားလာရီး အခက်အခဲဖြစ်နီကတ်တေပိုင် လမ်းတလျှောက် ဗြီးဆွဲနီရေ ကားသမားတိနန့်ဆိုက်ကယ်တိမာလည်း ရပ်နားထားရရေလို့သိရပါရေ။
Please follow and like us:
