
APM ၊ ဂျူလိုင် ၁၈ / ၂၀၂၃
ပြီးခသည့်ရာသီက ပရီးမီးယားလိဂ်မှ တန်းဆင်းလားရသည့် လိဒ်ယူနိုက်တက်အသင်းကို အမေရိကန်လုပ်ငန်းသျှင်များ ပိုင်ဆိုင်သည့် 49ers စီးပွားရီးလုပ်ငန်းမှ ပေါင်သန်း ၁၇၀ ဖြင့် အပြီးသတ် ဝယ်ယူလိုက်ကြောင်း အင်္ဂလန်ဘောလုံးအဖွဲ့ချုပ် EFL က ဂျူလိုင် ၁၇ ရက်နိတွင် အတည်ပြုသည်။
49ers သည် ၂၀၁၈ ခုနှစ်တွင် လိဒ်အသင်း၏ ချယ်ယာ ၁၅ ရာခိုင်နှုန်းနန့် ၂၀၂၁ ခုနှစ်တွင် ၄၄ ရာခိုင်နှုန်း ထပ်မံဝယ်ယူခပြီး တန်းဆင်းလားရပြီးနောက် အပြီးအပိုင် ဝယ်ယူရန် ဂျုန်လတွင် သဘောတူညီခခြင်းဖြစ်သည်။
“ဒေအပြောင်းအရွှိစွာ ကလပ်အတွက် လမ်းကြောင်းသစ်တစ်ခု ရွီးဆွဲဖို့အတွက် လိုအပ်လာလို့ ဖြစ်ပါရေ။ နောက်ရာသီမှာ ပရီးမီးယားလိဂ်သို့ တန်းတက်နိုင်ဖို့လေ့ ကျနော်ရို့ ယုံကြည်ထားပါရေဟု လိဒ်ယူနိုက်တက်ဥက္ကဠသစ် မာရာသီ က ဆိုသည်။
လိဒ်ယူနိုက်တက်အသင်းသည် ပရီးမီးယားလိဂ်မှ တန်းဆင်းလားပြီးနောက် နည်းပြ ဆမ် ကိုရာထူးမှ ထုတ်ပယ်ကာ နောဝစ်ခ်ျစီးတီးနည်းပြဟောင်း ဖာရက်ခ်အား ၄ နှစ်စာချုပ်နန့် ခန့်အပ်ထားကြောင်း သိဟိရသည်။
Source- Leeds sold to 49ers Enterprises/BBC/Daily Mail
Photo- Leeds Live
