APM ၊ စပ်တမ်ဘာ ၁၇ / ၂၀၂၃
စပ်တမ်ဘာ ၁၆ ရက်နိညဇာပိုင်း မြောက်ဦးက ၅ နှစ်အရွယ် အချေတယောက် ရီမြုပ် သီဆုံးလားကြောင်း သိရပါရေ။
ရီမြုပ်သီဆုံးလားရေအချေမှာ မြောက်ဦးမြို့၊ မြို့သစ်ရပ်ကွက်က အဖ ဦးအောင်လှစိန်၊ အမိ ဒေါ်မစိုးဝင်းရို့၏ သမီး မနီဝင်းစိုး ဖြစ်ပါရေ။
စပ်တမ်ဘာ ၁၆ ရက်နိ၊ ညဇာ ၄ နာရီလောက်မာ မနီဝင်းစိုးစွာ အိမ်ကနီထွက်လားပြီးကေ တခြားအချေတိနန့် ကဇတ်နီခပါရေ။
ယင်းနောက် အမိဖြစ်သူက လိုက်ရှာခါ ညဇာ ၅ နာရီလောက်က ရီမြုပ်သီဆုံးနီရေ မနီဝင်းစိုးကို ရွာနားချောင်ကမ်းစပ်မာ တွိခရပါရေ။
မနီဝင်းစိုး၏ ရုပ်အလောင်းကိုတော့ ညည့် ၈ နာရီအချိန် ရွာသင်္ချိုင်းမာ မြီမြှုပ်သင်္ဂြိုလ်လိုက်ကြောင်းသိရပါရေ။
ရက္ခိုင်ပြည်မာ ကုန်ခရေ ၂ လအတွင်း ရီမြုပ်သီဆုံးလူ ၃၆ယောက်ထက်မနည်းဟိခပြီးကေ ယင်းအထဲမှာ အချေ ၁၅ ယောက်ထက်မနည်းပါဝင်နီကြောင်း သိဟိရပါရေ။
Please follow and like us:
