
APM ၊ စပ်တမ်ဘာ ၁၇ /၂၀၂၃
လီဗာပူးတိုက်စစ်ကဇတ်သမား မိုဟာမက်ဆာလာစွာ စပ်တမ်ဘာ ၁၆ ရက်နိက ဝုလ်ဗ်အသင်းနန့်ပွဲမာ အနိုင်ဂိုး ၂ ဂိုးဖန်တီးပီးခပြီးရေနောက်ပိုင်း ပရီးမီးယားလိဂ်သမိုင်းတလျှောက် ဂိုးဖန်တီးမှုအများဆုံး အာဖရိက ကဇတ်သမားအဖြစ် စံချိန်တင်နိုင်ခကြောင်း သိရပါရေ။
ဆာလာစွာ ပရီးမီးယားလိဂ်သမိုင်းမာ ဂိုးဖန်တီးမှုအများဆုံးလုပ်ထားရေ မန်စီးတီးတိုက်စစ်ကဇတ်သမားဟောင်း မာရက်ဇ်၏ ဂိုးဖန်တီးမှု (၆၁) ကြိမ်ကို ကျော်ဖြတ်ပနာ ဂိုးဖန်တီးမှု (၆၃)ကြိမ်နန့် စံချိန်ချိုးထားပါရေ။
ဆာလာက ထူးခြားပါရေ။ သူ့မာ အများနန့်မတူရေ ကဇတ်နည်းတိဟိရေပိုင် အသင်းအတွက် အဓိကကဇတ်သမား ဖြစ်လာဖို့ သီချာပါရေလို့ လီဗာပူးနည်းပြ ကလော့ပ်က ပွဲအပြီးသတင်းစာယှင်းလင်းပွဲမာ ပြောကြားခပါရေ။
အသက် ၃၁ နှစ်အရွယ် ဆာလာစွာ ၂၀၁၇ ခုနှစ်ကပင် လီဗာပူးအသင်းမာ ပါဝင်ကဇတ်ခပြီးကေ ဂိုးဖန်တီးမှုစံချိန် တင်နိုင်ခရေ အပြင် အသင်းသမိုင်းမာ ကစားသမားဟောင်း ဂျရတ်ပြီးကေ ဂိုးပါဝင်ပတ်သက်မှု ၂၀၀ ပြည့်ရေ ဒုတိယမြောက် ကဇတ်သမား ဖြစ်ပါရေ။
Sources – Salah became the most assisted African player in Premier League history
Photo Liverpool FC
