APM ၊ စပ်တမ်ဘာ ၁၇ / ၂၀၂၃
တရုတ်ဝန်ကြီးချုပ် လီချန်းရေ တရုတ်နိုင်ငံတောင်ပိုင်း၊ ကွမ်ချီးပြည်နယ်၏ မြို့တော် နန်းနင်မာ စပ်တမ်ဘာ ၁၆ ရက်နိက အင်ဒိုနီးသျှား ဒု-သမ္မတ မာရုဖ် အာမင်နန့် တွိဆုံခရေ လို့ သိရပါရေ။
အဆိုပါ တွိဆုံမှုအတွင်း တရုတ်နိုင်ငံ၏ ဖွံဖြိုးတိုးတက်ရီး မဟာဗျူဟာကို အင်ဒိုနီးသျှားနိုင်ငံနန့် ပူးပေါင်းဖို့ ဆန္ဒဟိကြောင်း၊ ရပ်ဝန်းနန့် ပိုးလမ်းမ စီမံကိန်းမာ ပူးပေါင်းဆောင်ရွက်မှုကို မြှင့်တင်ဖို့နန့် ပြည်သူတိအတွက် အကျိုးဟိစီဖို့ ပရောဂျက်ကို ဖော်ဆောင်ဖို့ ဆန္ဒဟိကြောင်း လီချန်းက ပြောဆိုခပါရေ။
ယင်းအပြင် ပညာရီး၊ ယဉ်ကျေးမှု၊ ခရီးလားလာရီး၊ လူငယ်နန့် အားကဇတ်၊ ပြည်သူတိ၏ ချစ်ကြည်ရင်းနှီးမှုကို မြှင့်တင်ဖို့ နှစ်နိုင်ငံကြား အပြန်အလှန် ပူးပေါင်းဆောင်ရွက်မှုတိကို တိုးမြှင့်သင့်ရေလို့ သူက ဆိုပါရေ။
အင်ဒိုနီးသျှား ဒု-သမ္မတကလည်း အာဆီယံ၏ အလှည့်ကျ ဥက္ကဋ္ဌအဖြစ် အင်ဒိုနီးသျှားတာဝန်ယူဖို့ တရုတ်နိုင်ငံ၏ ပံ့ပိုးကူညီမှုကို ကျေးဇူးတင်ကြောင်း၊ စီးပွားရီး၊ ကုန်သွယ်မှု၊ ပြည်သူ့အချင်းချင်း ဖလှယ်ရီး နယ်ပယ်တိမာ တရုတ်နန့် ပူးပေါင်းဆောင်ရွက်လားဖို့ ဆန္ဒဟိကြောင်း ပြောကြားခရေ လို့ သိဟိရပါရေ။
Source – Chinese premier meets Indonesian vice president
Photo – Xinhua
