
APM ၊ စပ်တမ်ဘာ ၁၇ / ၂၀၂၃
အမေရိကန်နိုင်ငံမာ ဒေနှစ်(၂၀၂၃ခုနှစ်) ဂျန်နဝါရီလကနီ ဩဂတ်စ်လအထိ ၈ လအတွင်း သီနတ်ပစ်ခတ်မှုဖြစ်လို့ လူပေါင်း ၂၅,၀၀၀ သီဆုံးခကြောင်း သိရပါရေ။
၈ လအတွင်း လူအစုလိုက်အပြုံလိုက် သီနတ်ပတ်ခတ်မှုပေါင်း ၂၇၀ ဖြစ်ပွားခပြီးကေ လူပေါင်း ၂၅,၀၀၀ ကျော်သီခရေလို့ Gulf News ၏ စပ်တမ်ဘာ ၁၄ ရက်နိက ဖော်ပြရေ ဆောင်းပါးတပုဒ်မာ ဖော်ပြထားပါရေ။
ယင်းအပြင် အမေရိကန်မာ ပျှမ်းမျှ အသက် ၁၇ နှစ်အောက်အချေ ၂၂ ယောက်လောက်စွာ ကိုယ့်စွာကို သတ်သီစွာတိအပါ အဝင် နိတိုင်းနီးပါး သီနတ်ပစ်ခတ်ခံရလို့ သီဆုံးနီရေလို့ ဆိုပါရေ။
အမေရိကန်မာ ဖွဲ့စည်းပုံအခြီခံဥပဒေဆိုင်ရာ အခွင့်အရေး၏ တစိတ်တပိုင်းကြောင့် လွယ်လွယ်ကူကူ သီနတ်ကိုင်ဆောင်ခွင့် ရဟိနီရေအတွက် နိစဉ်နန့်အမျှ သီနတ်ပစ်ခတ်မှုတိ ဖြစ်ပွားနီပါရေ။
အမေရိကန်မာ သီနတ်ပစ်ခံရလို့ သီဆုံးဒဏ်ရာရရေလူစွာ ၂၀၀၄ ခုနှစ်ကပင် တိုးလာနီပြီးကေ အမေရိကန် ရောဂါထိန်းချုပ် ရီးနန့် ကာကွယ်ရီးစင်တာက ထုတ်ပြန်ချက်အရ ၂၀၂၁ ခုနှစ်မာ လူပေါင်း ၄၈,၈၃၀ လောက် သီဆုံးခရေလို့ သိရပါရေ။
Source U.S. records 470 mass shootings, 25,000 gun-related deaths in first 8 months of 2023
Photo – Reuters
