APM ၊ ဂျူလိုင် ၁၇ / ၂၀၂၃
တော့တင်ဟမ်ဟော့စပါးအသင်းတိုက်စစ်မှူး ဆွန်ဟောင်မင်က ၎င်းအနီနန့် ဆော်ဒီအာရေးဗီးယားလိဂ်သို့ ပြောင်းရွှိရန် မရွီး ချယ်ခဘဲ ပရီးမီးယားလိဂ်၌သာ ဆက်လက်ကဇတ်ရန် ဆုံးဖြတ်ခသည်ဟု သတင်းစာယှင်းလင်းပွဲတွင် ပြောကြားလိုက် သည်။
“ကဇတ်သမားတိအများကြီးပြောင်းနီကတ်တေ ဆော်ဒီအာရေးဗီးယားကို ကျနော် မရွီးချယ်ခပါ။ ကျနော် ပရီးမီးယား လိဂ်မှာရာ ဆက်ကဇတ်ဖို့ ဆုံးဖြတ်ခပါရေ။ လုပ်စရာတိလေ့ အများကြီးကျန်နီသိမ့်ပါရေ” ဟု ဝက်စ်ဟမ်း အသင်းနန့် ရာသီကြိုခြီစမ်းပွဲမတိုင်ခင် ပြောဆိုခသည်။
ယင်းအပြင်သူက ကျနော် ပြီးခရေရာသီက ခြီးစွမ်းတိကျပနာ အများသိရေ စပါးတိုက်စစ်မှူး ဆွန်ဟောင်မင် နန့် မတူခပါ။ ယေဇူးနန့် လာဖို့ရာသီမှာ အားလုံးသိရေ ဆွန်ဟောင်မင် အဖြစ် သက်သီပြချင်ပါရေ ဟုလေ့ ထပ်လောင်း ပြောဆိုခသည်။
အသက် ၃၁ နှစ်အရွယ် တောင်ကိုးရီးယားလက်ရွီးစင် တိုက်စစ်မှူးသည် ၂၀၂၁-၂၂ ရာသီတွင် ပရီးမီးယားလိဂ်၏ ဂိုးသွင်းအများဆုး ရွှီဖိနပ်ဆုကို ဆွတ်ခူးရဟိခဖူးသည်။
Source- Son Heung-min said that he will continue in the Premier League without moving to the Saudi League/Reuters
Photo-FIFA
