APM ၊ ဧပြီ ၁၇ / ၂၀၂၃
ရုသျှသမ္မတ ဗလာဒီမာပူတင် နန့် တရုတ်ကာကွယ်ရီးဝန် ကြီး လီချန်ဖူ ရို့သည် ဒေသီတင်းပတ်ကုန်က မော်စကို၌ တွိဆုံကာ တရုတ်နန့်ရုရှားအကြား စစ်ရီးပူးပေါင်းဆောင် ရွက်မှု ပိုမို နက်သျှိုင်းစီရမည်ဟု ကတိကဝတ် ပြုခကတ် သည်။
ဝန်ကြီးလီက သူ၏ပထမဆုံး နိုင်ငံခြားခရီးစဉ်ဖြစ်သည့် ရုသျှခရီးစဉ်တွင် သမ္မတပူတင်အား”နှစ်နိုင်ငံစစ်တပ်များ အကြား မဟာဗျူဟာမြောက် လက်တွဲလုပ်ဆောင်လားမည်”ဟု ပြောကြားခသည်။
ယင်းအပြင်”တရုတ်နိုင်ငံအနီနန့် ရုသျှနန့် ဘက်စုံပူးပေါင်းဆောင်ရွက်မှု အားကောင်းမောင်းသန်ဖြစ်စီဖို့ ပြင်ဆင် ထားသည်” ဟု CCTV သတင်းဌာနကလေ့ ဖော်ပြသည်။
ရုသျှသမ္မတပူတင်ကလေ့ *တရုတ်နန့် ရုရှားရို့သည် စစ်ဘက်ဆိုင်ရာ ဌာနများကတဆင့် တက်ကြွစွာ လက်တွဲ လုပ်ဆောင် နီပြီး အရေးပါသော သတင်းအချက်အလက်များကို ပုံမှန်ဖလှယ်နီကတ်ပိုင် ပူးတွဲစစ်ရီးလိကျင့်မှုများလေ့ လုပ်ဆောင်လျက် ဟိကြောင်း” ပြောဆိုခသည်။
“နှစ်နိုင်ငံ စစ်ရီးလိကျင့်မှုနန့်ပတ်သက်၍ အရှိဖျားဒေသအပြင် ဥရောပမှာပါ ပြုလုပ်ခကတ်ပြီး၊ မြီပြင်၊ ရီတပ်နန့် လီတပ် များပါ ပါဝင်ကြောင်း” ပူတင်က ဆက်ပြောသည်။
နှစ်ရက်ကြာ ဆွေးနွေးမှုအတွင်း ပူတင်နန့် လီရို့၏ ဆက်ဆံရီးက ရုသျှနန့်တရုတ် အကြား ဆက်ဆံရီးကို ပိုမိုအား ကောင်း ခိုင်မာလာစီသည်။
ယင်းသို့ ဆက်ဆံရီး ပိုမိုအားကောင်းလာခြင်း၏ အခြားတဖက်တွင် ယူကရိန်း၌ ရုသျှသုံးနီသည့်လက်နက် များမှာလေ့ တရုတ်ပစ္စည်းများပိုမိုပါဝင်လာနီကြောင်း ကိယက်ဗ်ဟိ အကြီးတန်းအရာဟိတယောက်က ပြောဆို ထားသည်။
Source – China’s defence minister and Putin vow to strengthen military cooperation
Photo – The Guardian
