APM ၊ ဧပြီ ၁၇ / ၂၀၂၃
စစ်ကောင်စီ လွတ်ငြိမ်းခွင့်ဖြင့် စစ်တွေ နန့် ဘူးသီးတောင်အကျဉ်းထောင်မှ အကျဉ်းသား/အကျဉ်းသူ ၁၄၁ ယောက် လွတ်မြောက်လာပြီး ယင်းအထဲ၌ မတရားသဖြင့်အကျဉ်းကျခံနီရသည့် နိုင်ငံရီးအကျဉ်သား တဦးတယောက်မျှ မပါ ဝင်ကြောင်း သိရသည်။
မြန်မာနှစ်သစ်မင်္ဂလာအခါသမယအထိမ်းအမှတ်ဟုဆိုကာ မြန်မာတပြည်လုံးဟိ အကျဉ်းထောင်သီးသီးမှ အကျဉ်းသား/ အကျဉ်းသူ ၃၀၁၅ ယောက်ကို ရာဇဝတ်ကျင့်ထုံးဥပဒေပုဒ်မ ၄၀၁(၁) အရ ဒေနိ(ဧပြီ ၁၇ ရက်နိ)၌ လွတ်ငြိမ်း ခွင့်ပီးလိုက်ပြီး ယင်းအထဲရက္ခိုင်ပြည် စစ်တွေအကျဉ်းထောင်မှ ၁၇ ယောက်၊ ဘူးသီးတောင်အကျဉ်းထောင်မှ ၁၂၄ယောက်ပါဝင်လာသည်။
ယေကေလေ့ ယင်းစ်ကောင်စီ၏ လွတ်ငြိမ်းခွင့်နန့် ဒေနိ လွတ်လာသည့် များထဲတွင် စစ်တွေ နန့် ဘူးသီးတောင် အကျဉ်း ထောင်မှ အကျဉ်းသား/အကျဉ်းသူမျာထဲတွင် စစ်ဗြီး၊ ရဲဗြီး၊ လဝကအမှုနန့် မူးယစ်ဆီးဝါးအမှုများဖြင့် ပြစ်ဒဏ်ကျခံနီရ သူများရာပါဝင်လာပြီး ရက္ခိုင့်တပ်တော် AA ဆက်စပ်သံသယနန့် ပြစ်ဒဏ်ချ မှတ်ခံထားရသူများ အပါအဝင် နိုင်ငံရီး အကျဉ်းသားတဦးတယောက်မျှ ပါလာခြင်း မဟိဟု စောင့်ကြည့်နီသူများက ပြောသည်။
ယင်းအပြင် နိုင်ငံခြားသား အကျဉ်သား/အကျဉ်းသူ ၉၈ ဦးကိုလေ့ လွတ်ငြိမ်းချမ်းသာခွင့်ပီးကာ ပြည်နှင်ဒဏ်ပီး လိုက် ကြောင်း စစ်ကောင်စီကထုတ်ပြန်ထားသည်။
၎င်းရို့အားလုံးသည် နောက်တကြိမ်ပြစ်မှု ထပ်မံကျူးလွန်ပါက ယင်းပြစ်ဒဏ်အပြင် လက်ဟိကျခံရန် ကျန်နီသိမ့် သော ပြစ်ဒဏ်များကိုပါ ဆက်လက်ကျခံရမည်ဟု ထုတ်ပြန်ချက်တွင်ဖော်ပြထားသည်။
Photo – ABN
