
APM ၊ မာ့ချ် ၁၇ / ၂၀၂၃
ကမ္ဘာ့ဘောလုံးအဖွဲ့ချုပ်(ဖီဖာ)၏ ဘဏ္ဍာရီးဆိုင်ရာကဏ္ဍများကို ဦးဆောင်နိုင်ခပြီးနောက် အင်ဖာတီနိုကို ၂၀၂၇ ခုနှစ်အထိ ဖီဖာဥက္ကဋ္ဌ အဖြစ် ပြန်လည်ရွီးချယ်လိုက်ကြောင်း သိရသည်။
မာ့ချ် ၁၆ ရက်နိက ကျင်းပသည့် (၇၃) ကြိမ်မြောက် ဖီဖာကွန်ဂရက်တွင် အသက် ၅၂ နှစ်အရွယ် အင်ဖာတီနိုကို ဥက္ကဋ္ဌအဖြစ် ကန့်ကွက်သူမဟိ ရွီးကောက်တင်မြှောက်ခခြင်းဖြစ်ပြီး၊ အင်ဖာတီနိုသည် ၂၀၂၇ ခုနှစ်အထိ ဖီဖာကို ဦးဆောင်ရမည် ဖြစ်သည်။
“ဒေတာဝန်က ကြီးကျယ်ခန့်နားပြီးကေ ဂုဏ်ယူစရာကောင်းရေ တာဝန်တခုဖြစ်ပါရေ။ ကျနော့်အနီနန့် ဖီဖာဖွံ့ဖြိုးတိုးတက်ဖို့အတွက် ဒေတာဝန်ကို အကောင်းဆုံးထမ်းဆောင်လားပါဖို့။ ဖီဖာအနီနန့်လေ့ လာဖို့ ၄ နှစ်တာ ကာလအတွင်းမှာ စံချိန်တင် ဝင်ငွေရဟိဖို့ဖြစ်ပြီးကေ ကမ္ဘာတဝှမ်းဘောလုံးပြိုင်ပွဲတိကိုပါ ဒေထက်မက ပိုကျင်းပလားဖို့ ဖြစ်ပါရေ”ဟု အင်ဖာတီနိုက ဆိုသည်။
ယင်းအပြင် ၂၀၁၉ ခုနှစ်ကနီ ၂၀၂၂ ခုနှစ်အထိ ဖီဖာ၏ ဝင်ငွေမှာ ဒေါ်လာ ၇.၅ ဘီလီယံဟိခသည့်အပြင် လာမည့် ၄ နှစ်တာကာလအတွင်းမှာလေ့ ဒေါ်လာ ၁၁ ဘီလီယံအထိထပ်တိုးလာအောင် စွမ်းဆောင်မည်ဟုလေ့ ၎င်းက ထပ်လောင်းပြော ကြားခသည်။
အဖွဲ့ဝင် ၂၁၁ ယောက်ဖြင့် ဖွဲ့စည်းထားသည့် ဖီဖာသည် အင်ဖာတီနိုလက်ထက် ၂၀၁၆ နောက်ပိုင်း ဒေါ်လာ ၂ သိန်း ခွဲကနီ ၂ ဘီလီယံအထိ ရှာဖွီနိုင်ခကြောင်း သိဟိရသည်။
Source – Switzerland’s Gianni Infantino re-elected FIFA president until 2027
Photo – Sky Sports
