APM ၊ ဖေဖော်ဝါရီ ၁၇ / ၂၀၂၃
ရုသျှနိုင်ငံနန့် အမြဲတမ်းမဟာမိတ်များအဖြစ် ဆက်လက်ပူးပေါင်းဆောင်ရွက်လားမည်ဟု စစ်ကောင်စီဥက္ကဋ္ဌ ဗိုလ်ချုပ်မှူး ကြီးမင်းအောင်လှိုင်က ပြောကြားလိုက်သည်
ဖေဖော်ဝါရီ ၁၆ ရက်နိက နေပြည်တော်ဟိ MICC 2 ခန်းမတွင် ပြုလုပ်ခသည့် နှစ်နိုင်ငံ သံတမန်ဆက်ဆံရီး (၇၅)နှစ် ပြည့် အထိမ်းအမှတ် ရုသျှ-မြန်မာ ချစ်ကြည်ရီးနန့် ပူးပေါင်းဆောင်ရွက်ရီးဖိုရမ်၌ ယင်းသို့ ပြောကြားခခြင်းဖြစ်သည်။
စစ်ကောင်စီဥက္ကဋ္ဌက အင်အားကြီးနိုင်ငံတချိုသည် နိုင်ငံငယ်များ၏ ပြည်တွင်းရီးကို အကြောင်းအမျိုးမျိုးနန့် ဝင်ရောက်စွက်ဖက်မှုများဟိကေလေ့ မိတ်ဆွေကောင်းဖြစ်သည့် ရုသျှနိုင်ငံကို လေးစားတန်ဖိုးထားပြီး နှစ်နိုင်ငံအကျိုးစီးပွားဖြစ်ထွန်းအောင် ဘက်ပေါင်းစုံမှ ဖော်ဆောင်လားမည်ဟု ဆိုသည်။
အခမ်းအနားတွင် ရုသျှ-မြန်မာ ချစ်ကြည်ရီးအသင်းများကို တိုးချဲ့ဖွင့်လှစ်ရီး၊ ရုသျှနိုင်ငံသို့ အရပ်ဖက်စစ်ဖက် ပညာတော် သင်များ စီလွှတ်ရီးနန့် စီးပွားရီးပူးပေါင်းဆောင်ရွက်ရီးစသည့်လုပ်ငန်းများတွင် နှစ်နိုင်ငံပူးပေါင်းဆောင်ရွက်လားမည်ဟုလေ့ သူက ဆက်လက်ပြောကြားခသိမ့်သည်။
အဆိုပါအခမ်းအနားသို့ မြန်မာပြည်ဆိုင်ရာ ရုသျှသံအမတ်ကြီး Nikolay Listopadov နန့် အဖွဲ့ဝင်များ တက်ရောက်ခပြီး ခန်းမအတွင်းဟိ ရုသျှ-မြန်မာ သံတမန်ရီးဆိုင်ရာ မှတ်တမ်းဗီဒီယိုနန့် ဓာတ်ပုံများကို လှည့်လည်ကြည့်ရှုခကတ်ကြောင်း သိဟိရသည်။
Source – Myanmar government is ready to cooperate with any country, organization and person who desire the interests of Myanmar: Senior General
Photo – Global New Light Of Myanmar
