APM ၊ ဖေဖော်ဝါရီ ၁၇ / ၂၀၂၃
မန်ယူတိုက်စစ်မှူး ရက်ရှ်ဖို့ဒ်သည် ဥရောပ၏ အန္တရာယ်အဟိဆုံး တိုက်စစ်ကဇတ်သမား ဖြစ်ကြောင်း ဘာစီလိုနာ နည်းပြဇာဗီက ပြောဆိုလိုက်သည်။
ဖေဖော်ဝါရီ ၁၆ ရက်နိ ညည့်က ကဇတ်ခသည့် ပွဲတွင် ဘာစီလိုနာ အသင်းအတွက် ဂိုးများကို မားကိုစ် အလွန်ဆို နန့် ရာဖင်ညာက သွင်းယူပီးခပြီး၊ မန်ယူအသင်းအတွက် ဂိုးများကို ရက်ရှ်ဖို့ဒ်နန့် ခွန်ဒဲက သွင်းယူကာ တဖက် ၂ ဂိုး သရေဖြင့် ပွဲပြီးခသည်။
ပွဲအပြီးသတင်းစာယှင်းလင်းပွဲ၌ ဘာစီလိုနာနည်းပြ ဇာဗီ က“ရက်ရှ်ဖို့ဒ်က မန်ယူအသင်းကို နောက်တဆင့်တက်နိုင်အောင် မျှော်လင့်ချက်တိယူဆောင်ပီးခရေပိုင် ဘာစီလိုနာကို လေ့အခက်တွိအောင်လုပ်နိုင်ပါရေ။ သူက ဥရောပမှာ အန္တရာယ်အဟိဆုံး ကဇတ်သမားတယောက်ပါ။” ဟု ပြောကြားခသည်။
ယင်းအပြင် မန်ယူနန့် ဘာစီလိုနာနှစ်သင်းစလုံးသည် ချန်ပီယံလိဂ် ဝင်ခွင့်ရဖို့ ရည်မှန်းချက်များဟိကြောင်းနန့် လက်ဟိတွင် နှစ် သင်းလုံးက လမ်းကြောင်းမှန်သို ရောက်နီပြီး တဖက်နန့်တဖက် ပြိုင်ဆိုင်ရသည်မှာလေ့ စိတ်လှုပ်ယှားဖို့ကောင်းကြောင်းလေ့ ဇာဗီက ပြောဆိုခသိမ့်သည်။
မန်ယူအသင်းနန့်ဘာစီလိုနာအသင်းသည် လာမည့် ဖေဖော်ဝါရီ ၂၄ ရက်နိတွင် ယူရိုပါလိဂ် ယှုံးထွက်အဆင့် ဒုတိယအကျော့ပွဲစဉ်အဖြစ် မန်ယူအိမ်ကွင်း၌ ကဇတ်ရမည်ဖြစ်သည်။
Source – Rashford one of Europe’s most dangerous players – Xavi
Photo – The Mirror
