
APM ၊ ဂျန်နဝါရီ ၁၇ / ၂၀၂၂
စစ်တွေတွင် ဒေနိ(ဂျန်နဝါရီ ၁၇ ရက်နိ) မိုးထ ၁၀ နာရီခန့်က ရီမြုပ်၍ ပျံလွန်တော်မူနီသည့် နာမည်မသိ ရဟန်း တော်တပါး၏ ရုပ်အလောင်းကို တွိဟိခရကြောင်း ဒေသခံများက ပြောသည်။
အဆိုပါ ရဟန်း၏ရုပ်အလောင်းကို ဒေနိမိုးထ ၁၀ နာရီခန့်က စစ်တွေမြို့နယ် ချောင်းနွယ်မင်းဂံချောင်းထဲ၌ တွိခရ သည်ဟု ဆိုပါသည်။
ရဟန်း၏ရုပ်အလောင်း၌ အံသကိုက်ဝတ်ထားပြီး၊ သပိတ်ကြိုးတပင်လေ့ပါဟိသည်ဟု မျက်မြင်ဒေသခံများက ပြော သည်။
လက်ဟိတွင် ယင်းရဟန်းရုပ်အလောင်းအား မေတ္တာရောင်ခြည်ဖောင်ဒေးသျှင်းမှ ဆယ်ယူလျက် စစ်တွေဆီးရုံကြီး ရင်ခွဲရုံသို့ပို့ဆောင်ထားကာ မိသားစုဝင်များနန့်အဆက်အသွယ်ရဟိရီး လုပ်ဆောင်နီကြောင်း သိရသည်။
ရီမြုပ်၍ ပျံလွန်တော်မူနီသည့် အဆိုပါရဟန်းနန့်ပတ်သက်၍ အသေးစိတ်အချက်အလက်များကို APM မှ ဆက်လက်စုံစမ်းလျက်ဟိပါသည်။

Please follow and like us: