APM ၊ စပ်တမ်ဘာ ၁၆ / ၂၀၂၃
ဂျပန်နိုင်ငံမာ အလုပ်လုပ်ဖို့ မြန်မာလုပ်သား ၁၀၀၀ ကျော်ကို ထပ်ခေါ်နီကြောင်း တိုကျိုမြို့ဟိ မြန်မာသံရုံးက စပ်တမ်ဘာ ၁၅ ရက်နိမာ ထုတ်ပြန်ပါရေ။
ဂျပန်ကုမ္ပဏီတိက အလုပ်ကမ်းလှမ်းစာ ၃၄၂ စောင် ကမ်းလှမ်းထားပြီးကေ ယင်းကုမ္ပဏီတိမာ အလုပ်လုပ်ဖို့ မြန်မာ လုပ်သား ၁၀၅၃ ယောက်ကို ခေါ်ယူလားဖို့လို့ ဆိုပါရေ။
မြန်မာသံရုံးအနီ နန့် အလုပ်သမားဝန်ကြီးဌာန၊ နိုင်ငံခြားရီးဝန်ကြီးဌာနတိကတဆင့် ပီးပို့လာရေ အလုပ်ကမ်းလှမ်းစာတိကို
စပ်တမ်ဘာ ၁ ရက်နိကနီ ၁၅ ရက်နိအတွင်း စီစစ်ဆောင်ရွက်ခရေလို့ ထုတ်ပြန်ချက်မာ ပါဟိပါရေ။
အလုပ်ခေါ်ယူရေ ကုမ္ပဏီတိစွာ ဂျပန်မာ တရားဝင် တည်ထောင်ထားစွာ ဟိ /မဟိ အထောက်အထားတိကို စီစစ်ပြီးကေ နိုင်ငံခြားရီးဝန်ကြီးဌာနကတဆင့် အလုပ်သမားဝန်ကြီးဌာနသို့ ပီးပို့ထားရေလို့ ဆိုပါရေ။
မြန်မာပြည်မာ စစ်တပ် အာဏာသိမ်းရေနောက်ပိုင်း မငြိမ်မသက်မှုတိနန့် အလုပ်အကိုင် ယှားပါးမှုတိကြောင့် ပြည်ပသို့ ထွက်ခွာရေလူတိ တရက်ထက်တရက်များလာနီပါရေ။
Photo – မြန်မာသံရုံး၊ တိုကျို
