APM ၊ စပ်တမ်ဘာ ၁၆ / ၂၀၂၃
ကုန်ခရေ ၂၀၁၇ ခုနှစ်က နီရပ်စွန့် ခွာ ထွက်ဗြီးလာကတ်ရရေမောင်တောမြို့နယ်အတွင်း ဟိန္ဒူဒုက္ခသည် အိမ်ထောင်စု နှစ်ရာကျော်စွာ လက်ဟိ နီထိုင်စားသောက်ရီး အခက်ကြုံနီကတ်ရရေလို့သိရပါရေ။
ယင်း အိမ်ထောင်စု နှစ်ရာကျော်မာ မောင်တောမြို့နယ်က ရဲဘော်ကျ၊ ခမောင်းဆိပ်၊ လေးမိုင်လက်သာ ၊သုံးတုံးနားခွဆုံနန့် ကြိမ်ချောင်း စရေကျေးရွာတိကဖြစ်ကတ်ပါရေ။
ယင်းအထဲက အိမ်ထောင်စု ၁၄၈ စုစွာ ရွှီဇားကျေးရွာအုပ်စု အောင်ဗလကျေးရွာမာ ဖြစ်တေပိုင် နီထိုင်နီကတ်ရပိုင် နောက်ထပ် အိမ်ထောင်စု ၆၀ ကျော်စွာလည်း မောင်တောမြို့မအရှိရပ်ကွက်မာ ယာယီတဲထိုးပျာ ကျပ်ကျပ်တည်း တည်းနီထိုင်နီကတ်ရပါရေ။
ယင်းဟိန္ဒူဒုက္ခသည်တိထဲက အများစုစွာ ကြုံရာကျဘန်းအလုပ်နန့်အသက်မွီးဝမ်းကျောင်းပြုလုပ်ကိုင်စားသောက် နီကတ်ရစွာ့ဖစ်လို့ လက်ဟိမာ အလုပ်အကိုင်ယှားပါးစွာ၊ကူညီထောက်ပံ့မှုတိမရဟိစွာကြောင့် နီထိုင် စားသောက်ရီး ဆိုးဆိုးဝါးဝါးအခက်ကြုံနီကတ်ရပါရေ။
လူဦးရေ ၁၀၀၀ ကျော်ဟိရေ မောင်တောမြို့နယ်က ယင်းဟိန္ဒူဒုက္ခသည်တိစွာ မိမိနီရပ်ကို ပြန်ချင်နီကေလေ့ နီစရာမဟိလို့အခက်ကြုံနီကတ်ရရေလို့ သိဟိပါရေ။
