APM၊ ဩဂတ်စ် ၁၆/၂၀၂၂
ရက္ခိုင့်တပ်တော်(AA) တပ်ဖွဲ့ဝင်များဟု စွပ်စွဲလျက် ၂နှစ်ကျော်ကြာ မတရားဖမ်းဆီးတရားစွဲခံထားရသည့် တောင် ကုတ်ဒေသခံ ၆ယောက်အမှု တရားလိုပြသက်သီဖြစ်သူ စစ်ကောင်စီတပ်က ဗိုလ်ကြီးတယောက်ကို ဩဂတ်စ် ၁၅ ရက်နိရုံးချိန်းမှာ Video Conferencing နန့် စစ်ဆီးခသည်ဟု သိရသည်။
သံတွဲထောင်၌ ၂နှစ်ကျော်ကြာဖမ်းဆီး ချုပ်နှောင်ခံထားရသည့် တောင်ကုတ်မြို့နယ်က ၆ ယောက်မှာ ဆားပြင်ရွာမှ ကိုသန်းနိုင်၊ ချက်ပေါက်ရွာမှကိုကျော်တင်အောင်၊ ကိုနေရဲဝင်း၊ ကိုထွေးမောင်၊ မအီမြို့မှ ကိုသန်းဇော်ဌေး နန့် ကိုသန်းဇော်ဇော် ရို့ ဖြစ်ကတ်သည်။
ဩဂတ်စ် ၁၅ ရက်နိရုံးချိန်း၌ လိုပြသက်သီ ဗိုလ်ကြီးစိုးသူကို ကျိုင်းတုံ တရားရုံး၌ Video Conferencing နန့် ရုံး ထုတ်စစ်ဆီးခပြီး၊ နောက်ထပ်လိုပြသက်သီတယောက်ဖြစ်သည့် အမှုစစ်ရဲအရာဟိကို လာမည့် ဩဂတ်စ် ၁၉ ရက်နိ ရုံးချိန်းတွင် စစ်မည်ဟု ဆိုသည်။
၂ နှစ်ကျော်ကာလအတွင်း လိုပြသက်သီများအား ရုံးထုတ်စစ်ဆီးရန် အကြိမ်ကြိမ်ရုံးချိန်းခကေလေ့ အကြောင်း အမျိုးမျိုးပြလျက် တရားရုံးသို့ တသိတမင် မလာဘဲ နီခသဖြင့် အမှုမစစ်ဖြစ်ခကြောင်း၊ မိသားစုဝင်များအနီနန့် ကုန် ကျစရိတ်ကြီးမားပြီး အခက်အခဲများစွာနန့် ရင်ဆိုင်နီရ၍ “အပြစ်ဟိကေ ချ၊ အပြစ်မဟိကေ လွှတ်” စီချင်ကြောင်း မိသားစုဝင်များက ပြောသည်။
ယင်းတောင်ကုတ်ဒေသခံ ၆ ယောက်ကို ၂၀၂၀ ပြည့်နှစ်၊ ဂျုန်လကပင် AA နန့် ဆက်စပ်သည်ဟုဆိုကာ မတရား ဖမ်းဆီးခပြီးနောက်“အကြမ်းဖက်မှုတိုက်ဖျက်ရီးဥပဒေ” ပုဒ်မ ၅၀(ဈ)၊ ၅၀(ည)ရို့နန့် အနောက်တောင်တိုင်း စစ်ဌာန ချုပ်ခလရ(၂၇)မှ အရာဟိ တယောက် နန့်ခလရ(၅၁)မှ အရာဟိတယောက်က လုပ်ကြံတရားစွဲဆိုထားခ ခြင်းဖြစ် သည်။
(Zawgyi)
AA တပ္ဖြဲ႕ဝင္မ်ားဟုစြပ္စြဲၿပီး ၂ႏွစ္ေက်ာ္ၾကာ မတရားဖမ္းထားသည့္ ေတာင္ကုတ္က ၆ ေယာက္အမႈ လိုျပသက္သီ တေယာက္ကို စ,စစ္
APM၊ ဩဂတ္စ္ ၁၆/၂၀၂၂
ရကၡိဳင့္တပ္ေတာ္(AA) တပ္ဖြဲ႕ဝင္မ်ားဟု စြပ္စြဲလ်က္ ၂ႏွစ္ေက်ာ္ၾကာ မတရားဖမ္းဆီးတရားစြဲခံထားရသည့္ ေတာင္ ကုတ္ေဒသခံ ၆ေယာက္အမႈ တရားလိုျပသက္သီျဖစ္သူ စစ္ေကာင္စီတပ္က ဗိုလ္ႀကီးတေယာက္ကို ဩဂတ္စ္ ၁၅ ရက္နိ႐ုံးခ်ိန္းမွာ Video Conferencing နန႔္ စစ္ဆီးခသည္ဟု သိရသည္။
သံတြဲေထာင္၌ ၂ႏွစ္ေက်ာ္ၾကာဖမ္းဆီး ခ်ဳပ္ေႏွာင္ခံထားရသည့္ ေတာင္ကုတ္ၿမိဳ႕နယ္က ၆ ေယာက္မွာ ဆားျပင္႐ြာမွ ကိုသန္းႏိုင္၊ ခ်က္ေပါက္႐ြာမွကိုေက်ာ္တင္ေအာင္၊ ကိုေနရဲဝင္း၊ ကိုေထြးေမာင္၊ မအီၿမိဳ႕မွ ကိုသန္းေဇာ္ေဌး နန႔္ ကိုသန္းေဇာ္ေဇာ္ ႐ို႕ ျဖစ္ကတ္သည္။
ဩဂတ္စ္ ၁၅ ရက္နိ႐ုံးခ်ိန္း၌ လိုျပသက္သီ ဗိုလ္ႀကီးစိုးသူကို က်ိဳင္းတုံ တရား႐ုံး၌ Video Conferencing နန႔္ ႐ုံး ထုတ္စစ္ဆီးခၿပီး၊ ေနာက္ထပ္လိုျပသက္သီတေယာက္ျဖစ္သည့္ အမႈစစ္ရဲအရာဟိကို လာမည့္ ဩဂတ္စ္ ၁၉ ရက္နိ ႐ုံးခ်ိန္းတြင္ စစ္မည္ဟု ဆိုသည္။
၂ ႏွစ္ေက်ာ္ကာလအတြင္း လိုျပသက္သီမ်ားအား ႐ုံးထုတ္စစ္ဆီးရန္ အႀကိမ္ႀကိမ္႐ုံးခ်ိန္းခေကေလ့ အေၾကာင္း အမ်ိဳးမ်ိဳးျပလ်က္ တရား႐ုံးသို႔ တသိတမင္ မလာဘဲ နီခသျဖင့္ အမႈမစစ္ျဖစ္ခေၾကာင္း၊ မိသားစုဝင္မ်ားအနီနန႔္ ကုန္ က်စရိတ္ႀကီးမားၿပီး အခက္အခဲမ်ားစြာနန႔္ ရင္ဆိုင္နီရ၍ “အျပစ္ဟိေက ခ်၊ အျပစ္မဟိေက လႊတ္” စီခ်င္ေၾကာင္း မိသားစုဝင္မ်ားက ေျပာသည္။
ယင္းေတာင္ကုတ္ေဒသခံ ၆ ေယာက္ကို ၂၀၂၀ ျပည့္ႏွစ္၊ ဂ်ဳန္လကပင္ AA နန႔္ ဆက္စပ္သည္ဟုဆိုကာ မတရား ဖမ္းဆီးခၿပီးေနာက္“အၾကမ္းဖက္မႈတိုက္ဖ်က္ရီးဥပေဒ” ပုဒ္မ ၅၀(ဈ)၊ ၅၀(ည)႐ို႕နန႔္ အေနာက္ေတာင္တိုင္း စစ္ဌာန ခ်ဳပ္ခလရ(၂၇)မွ အရာဟိ တေယာက္ နန႔္ခလရ(၅၁)မွ အရာဟိတေယာက္က လုပ္ႀကံတရားစြဲဆိုထားခ ျခင္းျဖစ္ သည္။
