APM ၊ ဂျူလိုင် ၁၆ / ၂၀၂၃
POSCO International ကုမ္ပဏီနန့် ရွှီရောင်မေတ္တာဖောင်ဒေးသျှင်းရို့ပူးပေါင်းပြီး ဆန်အိပ် ၆ ထောင်နန့် အိမ်မိုးသွပ်ပြား ၆ ထောင်ကိုမုန်တိုင်းဒဏ်သင့် ရက္ခိုင်ပြည်သူများသို့ လှူဒါန်းနီကြောင်း သိရသည်။
ဆန်အိတ် ၄ ထောင်ကို ပေါက်တောမြို့နယ် ကျေးရွာအများစုတွင် လှူဒါန်းထားပြီးဖြစ်ကာ ကျန်ဆန်အိတ် ၂ ထောင်ကျော်ကို စစ်တွေမြို့၌ ဒေနိ(ဂျူလိုင် ၁၆ ရက်နိ)ကစ၍ အိမ်ထောင်စု ၂ဝဝဝ ခန့်ကို မိသားစုတစု လျှင် ဆန် ၂ တောင်းကျစီ တိုကင်စနစ်ဖြင့် လှူဒါန်းနီသည်ဟု ရွှီရောင်မိတ္တာဖောင်ဒေးသျှင်းက ဆိုသည်။
အလားတူ အိမ်မိုးသွပ်ပြားအချပ် ၆ ထောင်ကိုလေ့ ရသေ့တောင်မြို့နယ်၊ အငူမော်ဒေသသို့ တအိမ်လျင် ၁ဝ ချပ်စီ လှူဒါန်းထားပြီးဖြစ်ကြောင်း သိရသည်။
Mocha ဆိုင်ကလုန်းမုန်တိုင်းအပြီး နှစ်လတာကာလအတွင်း ပျက်စီးဆုံးယှုံးမှုများအားလုံး၏ ၇၅ ရာခိုင်နှုန်းမှာ အမိုးအကာ အောက်သို့ရောက်ဟိပြီးဖြစ်ကြောင်းနန့် အမိုးအကာအောက်သို့ မရောက်သိမ့်သောသူများအားလုံး အမိုးအကာအောက် အယင်ဆုံး ရောက်နိုင်ရန်လေ့ မရပ်မနား ဆက်လက်ကြိုးစား ဆောင်ရွက်လျက် ဟိနီကြောင်း Mocha ဆိုင်ကလုန်းမုန်တိုင်း ဒဏ်သင့် အာရက္ခအရေးပေါ်ကယ်ဆယ်ရီးနန့် ပြန်လည်နီရာချထားရီး ကော်မတီ Cyclone Mocha ERRCA က ဂျူလိုင် ၁၄ ရက်နိက ထုတ်ပြန်ခသည်။
Photo-ရွှီရောင်မိတ္တာဖောင်ဒေးသျှင်း
