APM ၊ ဂျူလိုင် ၁၆ / ၂၀၂၃
ဒေနိ(ဂျူလိုင် ၁၆ ရက်) နိ မိုးထ ၇ နာရီခွဲက ယှဥ်ပြိုင်ကဇတ်ခသည့် FIFA-MFF U-15 ပွဲစဥ်တွင် ရက္ခိုင်ယူနိုက်တက် ယူ-၁၅ အသင်းသည် ဖားစည်မြီ ယူ-၁၅ အသင်းကို ၅-၂ ဂိုးနန့် ဂိုးပြတ်အနိုင်ရဟိခကြောင်း သိရသည်။
ရက္ခိုင်ယူနိုက်တက်အသင်းအတွက် ဂိုးများကို ကြောနံပတ် (၁၀) စွမ်းဇာနည်က(ဟက်ထရစ်) ၃ ဂိုး၊ ကြောနံပတ် (၄) ထက်အောင်ကျော်က ၁ ဂိုး၊ ကြောနံပတ် (၉) ညီညီသန့်က ၁ ဂိုးစီ အသီးသီးသွင်းယူခကတ်ခသည်။
ပွဲအပြီးမှာ ဟက်ထရစ်သွင်းယူခသည့် စွမ်းဇာနည်အား မြန်မာဘောလုံးအဖွဲ့ချုပ်မှ ဆုကြေးငွေ ၂၀၀၀၀၊ ရက္ခိုင်ယူနိုက်တက် ဥက္ကဋ္ဌမှ ဆုကြေးငွေ ၃၀၀၀၀ နန့် တခြားဂိုးသွင်းသျှင်များနန့် အသင်းလိုက်ဆု ၁၄၀၀၀၀ ကျပ်တိတိကိုလေ့ ဆုချီးမြှင့်ခသည် ဟု သိရသည်။
မြန်မာဘောလုံးအဖွဲ့ချုပ်နန့် ကမ္ဘာ့ဘောလုံးအဖွဲချုပ်ရို့ ကြီးမှူးကျင်းပနီသည့် အသက် ၁၅ နှစ် လူငယ်ဘောလုံးပြိုင်ပွဲတွင် ရက္ခိုင်ယူနိုက်တက်အသင်းသည် ၄ ပွဲကဇတ်ပြီးနောက် ၃ ပွဲနိုင်၊ ၁ ပွဲ သရေ၊ ရမှတ် ၁၀ မှတ်နန့် အဆင့် (၂) နီရာ၌ ရပ်တည်နီ ကြောင်း သိဟိရသည်။
Source- Rakhine United Football Club
Photo-RUFC
