APM၊ ဂျူလိုင် ၁၆ / ၂၀၂၃
တောင်ကိုရီးယားနိုင်ငံတွင် မိုးကြီးရီကြီးမှုအတွင်း ဥမင်လိုဏ်ခေါင်းတခုအောက်၌ ရီမြုပ်သီဆုံးနီသည့် လူ ၉ ယောက် အလောင်းကို ထပ်မံတွိဟိခရာ ဒေနိ(ဂျူလိုင် ၁၆ရက်နိ) မိုးထအထိ မိုးကြီးရီကြီးမှုကြောင့် သီဆုံးသူ ၃၅ ယောက်ဟိ လာကြောင်း သိရသည်။
ရှာဖွီကယ်ဆယ်ရီးသမားများသည် ဂျူလိုင် ၁၅ ရက်နိကစ၍ ဒေနိအထိ ရီအောက်ရှာဖွီရီးလုပ်ငန်းများကို လုပ်ဆောင်ခရာ ချောင်းချွန်းပြည်နယ်၊ ချောင်းဂျူမြို့တွင် ဥမင်လိုဏ်ခေါင်းတခုအောက်၌ ရီမြုပ်နီသည့် ဘတ်စ်ကားတစီး၊ ကား ၁၅ စီးနန့် အလောင်း ၉ လောင်းကို တွိဟိခသည်ဟု တောင်ကိုရီးယား Yonhap သတင်းအေဂျင်စီက ဖော်ပြသည်။
မိုးကြီးရီကြီးမှုကြောင့် လူ ၂၆ ယောက်သီဆုံးကာ ၁၀ ယောက်ပျောက်ဆုံးနီကြောင်း ပြည်ထဲရီးနန့် ဖီးကင်းလုံခြုံရီးဝန်ကြီး ဌာနက ထုတ်ပြန်ခပြီး ရီကြီးမှုကြောင့် လူပေါင်း ၇,၈၆၆ ယောက်ကို ဖီးလွတ်ရာသို့ ရွှိပြောင်းခရသည် ဟုဆိုသည်။
ရီကြီးနီသည့် ဥမင်လိုဏ်ခေါင်းမှ အသီအပျောက်များမှာ ဝန်ကြီးဌာန၏ အချက်အလက်များတွင် မပါဝင်ဘဲ ရီအောက်၌ မြုပ်နီသည့် လူနန့် ကား ဇာလောက်ဟိနီသိမ့်ကြောင်း မသိရသိမ့်ပါ။
ချောင်းဂျူမြို့မီးသတ်ဌာနက ရှာဖွီကယ်ဆယ်ရီးကို ဒေနိတွင် အပြီးသတ် လုပ်ဆောင်လျက်ဟိပြီး အသီအပျောက် ထပ်တိုး လာနိုင်ကြောင်း ပြောကြားထားသည်။
Source – Rescuers retrieve eight bodies from flooded South Korea underpass / Reuters
Photo – Reuters
