APM ၊ မာ့ချ် ၁၆ / ၂၀၂၃
ဆွီဒင်ဝါရင့်တိုက်စစ်မှူး ဇလာတန် အီဘရာဟီမိုဗစ်ကို ဘယ်လ်ဂျီယံ၊ အဇာဘိုင်ဂျန်အသင်းများနန့်ယူရို ၂၀၂၄ ခြီစစ်ပွဲကဇတ်မည့် နိုင်ငံအသင်းလူစာရင်းတွင် ရွီးချယ်ထားကြောင်း ဆွီဒင်ဘောလုံးအဖွဲ့ချုပ်က မာ့ချ် ၁၅ ရက်နိ တွင်ထုတ်ပြန်ကြေညာလိုက်သည်။
အသက် ၄၁ နှစ်အရွယ် အေစီမီလန်နန့် ဆွီဒင်ဝါရင့်တိုက်စစ်မှူး ဟီမိုဗစ်သည် ၂၀၂၁ ခုနှစ်ကမ္ဘာ့ဖလားခြီစစ်ပွဲနန့် ၂၀၂၂ ခုနှစ် ဥရောပခြီစွမ်းပွဲများတွင် ရွီးချယ်ခြင်းမခံခရဘဲ လာမည့် ၂၀၂၄ ခြီစစ်ပွဲအတွက် မကြာသိမ့်ခင်ကမှ နိုင်ငံအသင်းလူစာရင်းတွင် ပြန်လည်ပါဝင်လာခြင်းဖြစ်သည်။
အီဘရာဟီမိုဗစ်သည် ဒူးဒဏ်ရာကြောင့် ကာလရှည်ကြာအနားယူခရပြီး အသင်းနန့် ဝီးနီကေလေ့ သူကြံ့ခိုင်မှုကို ယုံကြည်နီကြောင်း ဆွီဒင်နည်းပြ ဂျန်နီ အန်ဒါဆန်က ထုတ်ပြန်ချက်တွင် ပြောကြားခသည်။
ယင်းအပြင် အန်ဒါဆန်က “အထူးသဖြင့် သူ့အနီနန့် ကွင်းထဲမှာတောင်မက ကွင်းပြင်ကပါ ပံ့ပိုးမှုတိ လုပ်နိုင်ဖို့လို့ ထင်ပါရေ” ဟုလေ့ သူကထပ်လောင်းပြောကြားခသည်။
အီဘရာဟီမိုဗစ်သည် နိုင်ငံလက်ရွီးစင်အသင်းတွက် ၁၂၁ ပွဲပါဝင်ကဇတ်ထားကာ ၆၂ ဂိုး သွင်းယူပီးထားကြောင်း သိဟိရသည်။
Source – Veteran Ibrahimovic recalled to Sweden squad at 41
Photo – BBC
