APM ၊ ဖေဖော်ဝါရီ ၁၆ / ၂၀၂၃
ဖေဖော်ဝါရီ ၁၅ ရက်နိညည့်က ကဇတ်ခသည့်အာဆင်နယ်အသင်းနန့် ပွဲစဉ်တွင် အသင်းအတွက် ဂိုးသွင်းနိုင်ခကေလေ့ ကျေနပ်မှုမဟိသိမ့်ကြောင်း မန်စီးတီး တိုက်စစ်မှူး ဟော်လန်းက ပြောဆိုလိုက်သည်။
အဆိုပါပွဲစဉ်တွင် မန်စီးတီးအသင်းအတွက် ဂိုးများကို ဒီဘရိုင်း၊ ဂရီးလစ်ချ်နန့် ဟော်လန်းက သွင်းယူခပြီး အာဆင်နယ်အသင်းအတွက် ချေပဂိုးကိုတော့ ဆာကာကသွင်းယူပီးခကာ ပွဲအပြီးတွင် မန်စီးတီးအသင်းက ၃ ဂိုး ၁ ဂိုးဖြင့်အနိုင်ရခသည်။
ပွဲအပြီးသတင်းစာယှင်းလင်းပွဲ၌ မန်စီးတီးတိုက်စစ်မှူး ဟော်လန်းက “ အာဆင်နယ်က အကောင်းဆုံးအသင်း တသင်းပါ။ ယေကေလေ့ ကျနော်ရို့အသင်းက အကောင်းဆုံး ကဇတ်နိုင်ခလို့ အဖိုးတန် ၃ မှတ် ရခပါရေ။ သွင်းဂိုးတိ ပျောက်နီရေ ကျနော်အနီနန့်လေ့ ဒေပွဲမှာဂိုးသွင်းနိုင်ခစွာကို ကျေနပ်နီလိုမရသိမ့်ပါ။ ဒေထက်ပိုပြီးကေ အများကြီး ကြိုးစားဖို့လိုသိမ့်ပါရေ” ဆိုသည်။
ဟော်လန်းသည် ပရီးမီးယားလိဂ်တွင် မန်စီးတီးအသင်းနန့်တတူ ၂၂ ပွဲပါဝင်ကဇတ်ထားပြီး ၂၆ ဂိုးအထိသွင်းယူထားကာ ဂိုးဖန်တီးမှု ၄ ကြိမ် ပြုလုပ်ထားနိုင်သည်။
လက်ဟိမှာ မန်စီးတီးအသင်းသည် အာဆင်နယ်အသင်းကို ကျော်ကာ ပရီးမီးယာလိဂ် အမှတ်ပီးဇယား ထိပ်ဆုံးနီရာ၌ ရပ်တည်နီကြောင်း သိဟိရပါသည်။
Source – ‘It’s been 20 minutes since I last scored!’ – Man City’s goalscoring hero Erling Haaland insists he still isn’t satisfied after victory at Arsenal
Photo – TEAMTALK
