APM၊ဒီဇမ်ဘာ ၁၆ /၂၀၂၃
ကျောက်တော်မြို့မာ ဒေနိ(ဒီဇမ်ဘာ ၁၆ ရက်နိ)ညဇာ ၈နာ ရီလောက်က စစ်ကောင်စီတပ်ဖွဲ့ဝင်တိ၏ ရည်ရွယ်ချက် ဟိဟိ လက်နက်ချေနန့် ယမ်းကားပစ် ခတ်မှုကြောင့် အပြစ်မဲ့အရပ် သားပြည်သူ တယောက် သီဆုံးလားခကြောင်း သတင်းရဟိပါရေ။
သီဆုံးလားရေ လူစွာ ကျောက်တော်မြို့၊ပြည်တော်သာရပ်ကွက်က သာမန်အရပ်သား ဦးစိန်သာ(၄၉ နှစ်) ဖြစ်ပါရေ။
“ဦးစိန်သာစွာ ဒီဇမ်ဘာ ၁၆ ရက်နိ ညဇာ ၈ နာရီလောက်မာ ကားဂိတ်က ဆိုင်တဆိုင်မှ ဆိုင်ကယ်နန့် အပြန် ကစ္ဆပနဒီတန်းတားမာဟိရေ စစ်ကောင်စီတပ် စကခ(၉)တပ်မ တပ်ဖွဲ့ဝင်တိက မပြောမဆိုလက်နက်ချေတိနန့် ယမ်း ပစ်ခကတ်တေ” လို့ မျက်မြင်ဒေသခံတိက ပြောပါရေ။
ယင်းပိုင်လက်နက်ချေနန့်ပစ်ခတ်မှုကြောင့် ဦးစိန်သာ၏ နောက်ကုန်းအောက်နားမာ ကျည်(၁)ချက် မှန်ပြီးကေ သီဆုံးလားခစွာလို့ သိရပါရေ။
ယင်းအပြင် ယင်းစစ်ကောင်စီတပ်ဖွဲ့ဝင်တိစွာ အရက်မူးနီပြီးကေ အနားတဝိုက်က နောက်ထပ်ဒေသခံနှစ်ယောက်ကိုလည်း ညက်ညက်ကြီအောင်ရိုက်နက်သတ်ပုတ်ခသိမ့်ရေလို့လည်း မျက်မြင်ဒေသခံတိ ပြောကြားချက်အရ သိရပါရေ။
