APM၊ ဂျန်နဝါရီ ၁၆/၂၀၂၄
မြောက်ဦးမြို့နယ်မာ ဂျန်နဝါရီ ၁၅ ရက်နိ၊ ညဇာဖက်က အကြမ်းဖက် စစ်ကောင်စီ ဂျက်တိုက်လီယာဉ်နန့် ပစ်ခတ်တိုက်ခိုက်ခလို့ မြောင်းဘွေရွာက အပြစ်မဲ့အရပ်သားပြည်သူ ၂ ယောက် သီဆုံးပြီးကိုယ်ဝန်ဆောင် အမျိုးသမီးတယောက်အပါအဝင် ၃ ယောက် ပြင်းပြင်း ထန်ထန်ဒဏ်ရာရလားခရေလို့ သိရပါရေ။
သီဆုံးလားရေလူတိစွာမြောက်ဦးမြို့နယ်၊မြောင်းဘွေရွာက ဦးအေးကျော် (၅၅နှစ်) နန့် ဦးဇော်မင်းအောင် (၄၅နှစ်) ရို့ဖြစ်ကတ်ပြီးကေ၊ ဒဏ်ရာရလားခရေ လူတိကတော့ခါ မြောင်းဘွေရွာက ကိုစိုးသူ (၃၀နှစ်)၊ ဦးစိန်ကြီး (၇၂နှစ်) နန့်အသက်၂၀ကျော်အရွယ် နာမည်မသိ ကိုယ်ဝန်ဆောင်အမျိုးသမီးတယောက် ( ကိုမောင်ပြား၏အိမ်သျှင်မ)ရို့ဖြစ်ကတ်ပါရေ။
ဖြစ်စဉ်မာ ဂျန်နဝါရီ ၁၅ ရက်နိ၊ ညဇာ ၅ နာရီ ၁၅ မိနစ်က စလို့ စစ်ကောင်စီ၏ ဂျက်တိုက်လီယာဉ်တစီးစွာ မြောက်ဦးမြို့နယ်၊ မြောင်းဘွေရွာကို (၃) ကြိမ် တိုင်တိုင် လာရောက်ပစ်ခတ်ရာ ညဇာ ၅ နာရီ၂၅ မိနစ် တတိယအကြိမ် ပစ်တေခါ စစ်တွေ-ရန်ကုန် ကားလမ်းဘေး မြောင်းဘွေဆီးရုံဟောင်း အနားမာ ကျရောက် ပေါက်က်ကွဲခပြီးကေယင်းလက်နက် ကြီး ကျည်စတိ ထိမှန်မှုကြောင့် အဂုပိုင် သီဆုံး၊ဒဏ်ရာရမှုတိဖြစ်ခရရေလို့ ဒေသခံတိက ပြောဆိုပါရေ။
လက်ဟိမာ ထိခိုက်ဒဏ်ရာရလူတိစွာ အရေးပေါ်ဆီးကုသမှု ခံယူနီရရေလို့ သိဟိရပါရေ။
