APM၊ ဂျန်နဝါရီ ၁၆/၂၀၂၄
မြောက်ဦးမြို့နယ်၊ ကိုင်းတောရွာကို ဂျန်နဝါရီ ၁၅ ရက်နိ၊ နိခင်းမာ အကြမ်းဖက် စစ်ကောင်စီတပ်က လက်နက်ကြီးတိနန့် ပစ်လို့ ကိုင်းတောရွာသား နှစ်ယောက် ထိခိုက် ဒဏ် ရာ ရလားခရေ လို့ သိရပါရေ။
ဒဏ်ရာရလားရေ လူတိကတော့ မြောက်ဦးမြို့နယ်၊ ကိုင်းတောက ဦးဘမောင် (၅၇နှစ်)နန့်ချော်ဘီကော်ရိမ် (၁၇နှစ်) ရို့ ဖြစ်ကတ်ပါရေ။
ဂျန်နဝါရီ ၁၅ ရက်နိ၊ နိခင်း ၁ နာရီလောက်မာ မြောက်ဦးအခြီစိုက်အကြမ်းဖက်စစ်ကောင်စီတပ် ခမရ(၅၄၀) တပ် ရင်းက လက်နက်ကြီးတိနန့်ပစ်လို့ ကိုင်းတောရွာအနားဟိ လယ်ကွင်းထဲသို့ ကျရောက်ပေါက်ကွဲပြီးကေ ယင်းလယ် ကွင်းမာ ဟိနီရေ ဦးဘမောင်၏ ညာဖက်မိတ်နား နန့် ချော်ဘီကော် ရိမ်၏ ညာဖက်နဖူးရို့မာ ကျည်စထိမှန် ဒဏ်ရာရလားခကြောင်း သိရပါရေ။
Please follow and like us:
