
APM ၊ စပ်တမ်ဘာ ၁၅ / ၂၀၂၃
အိန္ဒိယနိုင်ငံ၊ အင်ဒရာပရာဒက်ချ်ပြည်နယ်၊ အန်နမယာခရိုင်မာ ဒေနိ( စပ်တမ်ဘာ ၁၅ ရက်နိ) မိုးထပိုင်းက ယာဉ်တိုက်မှုဖြစ်လို့ လူ ၅ ယောက်သီလားပနာ ၁၁ ယောက်ထိခိုက်ဒဏ်ရာရလားကြောင်း အာဏာပိုင်တိက ဆိုပါရေ။
ဖြစ်စဉ်စွာ ဘုရားဖူးခရီးသည် ၁၆ ယောက် လိုက်ပါလာရေ ဂျစ်ကားတစီး နန့် လော်ရီကားတစီးစွာ ကဒါပါ- ကာနာတာကာ အဝီးဗြီးလမ်းမာ မတော်တဆ တိုက်မိခစွာပါ။
ယာဉ်တိုက်မှုကြောင့် အမျိုးသမီး ၃ ယောက် နန့် ဂျစ်ကား ယာဉ်မောင်း အပါအဝင် အမျိုးသား ၂ ယောက် သီဆုံးပနာ ၁၁ ယောက် ထိခိုက်ဒဏ်ရာ ရဟိခပါရေ။
ထိခိုက်ဒဏ်ရာရဟိလူ ၁၁ ယောက်ထဲက ၇ ယောက်ရေ ဒဏ်ရာပြင်းထန်
ရေအတွက် သီဆုံးလူ တိုးလာနိုင်ရေလို့ ဆိုပါရေ။
ကုန်ခရေ စပ်တမ်ဘာ ၁၁ ရက်နိကလည်း ကာနာတာကာ အဝီးဗြီးလမ်းမာ ဘတ်စ်ကားတစ်စီး နန့် လော်ရီကားတစီး ယာဉ်တိုက်မှုဖြစ်လို့ လူ ၅ ယောက်သီဆုံးပနာ ၈ ယောက် ထိခိုက်ဒဏ်ရာရခပါသိမ့်ပါရေ။
Source – 5 Dead, 11 Injured In Andhra Pradesh Road Acciden
Photo – NDTV
